Depiote Rossy

eo anatrehan’ny fanomezana ny fitondrana ny firenena ny Governemanta, kanefa ny Filohan’ny Antenimierandoholona tokony handray izany aza mbola eo. Ny Filoha teo aloha Andry Rajoelina moa niteny fa efa nilaza taminy olona handimby azy fa tsy mahavita, ka ny governemanta araka ny lalàmpanorenana no mandray azy ary tsy misy maharatsy izany. Ilay Filohan’ny antenimierandoholona anefa mbola eo, mitazona ny andraikiny eo, izay ny lojika dia efa niala tamin’ny naha Filohan’andrim-panjakana ihany koa, rehefa tsy nandray ny fahefana maha Filoha vonjimaika. Ny Filohan’ny HCC Atoa Florent Rakotoarisoa tetsy andaniny efa nilaza fa tsy afaka hanery olona handray fahefana izy ireo. “Tsy mino aho fa olom-boafidy toa ny Filohan’ny Antenimierandoholona Herimanana Razafimahefa no hanao zavatra “anti-constitutionnel” toa izao ary miombon-kevitra amiko ireo mpifidy vaventy rehetra nifidy azy, ireo ben’ny tanàna ben’ny tanàna nifanerasera taminy. Ny olom-pirenena mirohoroho saina no miantso ahy manontany. Koa manery ahy handray fitenenanana na dia efa nisy aza ny fanambarana nataon’ny vovonana miaraka amiko ny 11 febroary farany teo izay mbola tazoninay mandrak’ankehitriny”, hoy ny Depiote Rahasimanana Paul Bert na Rossy, izay niantso io Filohana andrim-panjakana io handray fitenenanana hanazava sy handray ny toerana nametrahan’ny lalàmpanorenana azy. Miantso ihany koa an-dRtoa Filohan’ny Antenimierampirenena Christine Razanamahasoa ihany koa I Rossy ary miantso ny tandroka aron’ny vozona hiaro azy ireo raha sanatria misy teritery na tsindry atao azy na avy aiza na avy aiza. “Aoka izy ireo hanazava izay voalazan’ny lalàna mikasika ny momba fitantanana ny firenena aorian’ny fametraham-pialan’ny filoha voafidy! Fanonganam-panjakana no fiantsoana olona tsy voafidy ka hitantana ny firenena izany”, hoy hatrany ity ny depiote Rossy. Nohamafisiny fa tsy ao anatin'ny lalàna ny “renonciation”, fa na “demission” na "empêchement" no misy raha Filohan’ny antenimierandoholona, fa na niala na nanao filoham-panjakana vonjimaika ihany no azon’ny Filohan’ny Antenimierandoholona natao, hoy ny fanehoan-keviny tao amin’ny tambajotran-tserasera. Misy noho izany ny tsy fahafenoana eo amin’ny lalàna na “vide juridique”, raha ny nambaran’io depiote io hatrany.
Toky R