airtel

Politique

28-févr-2023

Politique

Diplaomasia sy fiaraha-miasa Mety kokoa amin’i Lafrantsa ny Minisitry ny fitaterana ?

Sample post image

Herinandro taorian’ny fanendrena ny Minisitra Minisitry fitaterana vaovao Atoa Ramonjavelo Manambahoaka Valery,

28-févr-2023

 nga nitsidika azy avy hatrany ny Masoivoho Frantsay Arnaud Guillois niaraka tamin’ireo solontenan’nyy AFD (Agence Française de Développement) omaly 27 febroary, raha ny vaovao navoakan’io minisitera io. Nisy avy hatrany ny dinika ara-teknika mikasika ireo tetikasa goavan’ny Minisitera, ka nifantohana kokoa ireo herijim-piaraha-miasa eo amin’I Madagasikara amin’ny tetikasa samihafa. Anisan’izany ny fanitarana ny seranantsambon’Antsiranana, ny fanatsarana ny fitateram-bahoaka an-drenivohitra eto Antananarivo mba hanatsarana ny fifamezivezena, ny fanamafisana ny faraha-miombon’antoka amin’ny AFD amin’ny sehatry ny fitaterana an-dalamby. Azo heverina ve ny zava-misy fa mety kokoa amin’ny Frantsay ny Minisitry ny fitaterana vaovao izay efa avy Sekretera Jeneralin’ny Fiadidian’ny Repoblika teo aloha mitaha amin’ny olona nodimbiasany teo amin’io Minisitera io? Midika ve izany fa hihazakazaka amin’izay ireo tetikasa lehibe tahaka ny teleferika izay avy amin’ny Frantsay ny ampahany betsaka amin’ny 151 tapitrisa dolara? Ankoatra ity fihaonan’ny minisitry ny ny fitaterana sy ny Ambasadaoro Frantsay io moa, dia nosoniavin’ny Minisitry ny Toekarena sy ny Fitantanam-bola Rabarinirinarison Rindra Hasimbelo sy ity Ambasadaoro ity omaly 27 febroary 2023 tao amin’ny Minisiteran’ny Toekarena sy ny Fitantanam-bola Antaninarenina ny fifanarahana ara-bola mitentina 8,3 tapitrisa euros, avy amin’ny AFD ho an’ny Kaominina Antananarivo Renivohitra na ny CUA. Entin’izy ireo hanatanteraka tetikasa fanamboarana ireo sisin’ny arabe io fanampiana ara-bola io. Voakasik'izany ny fanamboarana ny lalana ho an'ny mpandeha an-tongotra, fanamboarana lalana ho an'ny bisikilety, ny fanatsarana ny manodidina ny sekoly ary ny fanatsarana ny toerana fiandrasana fiara fitaterana.
Toky R
 

Dans la même rubrique

28-mars-2024

Mankahery ny vahoaka malagasy manoloana ny zava-misy ankehitriny

Card image cap
28-mars-2024

Nisy omaly 27 martsa takariva ny karazana fandaharana sy fanambarana nataon’ny PAN.

Card image cap
28-mars-2024

Ankoatra ny fitoriana mba hanonganana tsy ho depiote ny Filohan’ny Antenimierampirenena Rtoa Christine Razanamahasoa,

Card image cap
28-mars-2024

Nidoboka am-ponja ao Antanimora efa tapa-bolana izao Atoa JR lehiben’ny faritra Analanjirofo tamin’ny fitondrana Rajaonarimampianina,

Card image cap
28-mars-2024

Misedra olana marolafy ny firenena na ara-politika na ara-toekarena na ara-tsosialy!

Card image cap
28-mars-2024

Manamafy ireo mpikatroka ifotony ao anatin’ny Antoko TIM ao anatin’ny distrikan’Avaradrano,

Card image cap