hoy ny sekretera jeneralin’ny antoko politika Fiombonana, Durlin Retogniane. Maniry fatratra ny hisian’ny fifidianana ny Fiombonana, hoy izy. Anjaran’ireo mpanatanteraka sy mpikarakara no mifandamina fa tokony hisy fifidianana mialohan’ny fahataperan’ny fe-potoam-piasan’ny filoham-pirenena. Ny tetibola angamba no hitako hoe mampiahiahy ny CENI satria raha ny tetibola voalazan’ny LFI tamin’ny desambra lasa teo dia tsy ampy hoy izy ireo. Tamin’ny fivahinianan’ny praiminisitra lehiben’ny governemanta tamin’ny fahitalavim-pirenena ny zoma teo nefa notsipihiny fa raha tsy ampy ho an’ny CENI izay tetibola izay dia tokony ho hamarinin’ny CENI satria araka ny voalazan’ny CENI dia efa misy ireo fitaovana nampiasaintsika tamin’ireo fifidianana nifanesy ka inona no tsy ampy ilain’ny CENI ahafahan’ny antenimiera roa tonta indray hijery azy ao anaty LFR na lalana mifehy ny tetibola nasiam-panavaozana? Manamafy ny fanentanana ny fitondram-panjakana ny amin’ny hisian’ny fifidianana filoham-pirenena ny Fiombonana. Manentana ny vahoaka malagasy rehetra mbola varimbariana ka tokony hanamarina ny anarany anaty lisitry ny mpifidy koa. Eo koa ireo manana zo feno nefa mbola tsy anaty lisitra dia manome fe-potoana mandra-pahatapitr’ity volana ity ny CENI ahafahan’izy ireo miroso amin’ny fisoratana anarana anaty lisi-pifidianana. Ho an’ireo malagasy notsipihin’ny filankevitry ny governemanta dia ny diaspora dia ataoko fa mbola banga angamba izao ny toeran’ny minisitry ny raharaham-bahiny ka aleo voatendry io minisitra io vao miroso amin’ny lahadinika momba izany fampandraisana anjara ny malagasy monina any ivelany amin’ny fifidianana izany. Tokony jerena koa ny pitsopitsony anaty lalana hampandraisana anjara azy tsikelikely satria miparitaka amina firenena maro izy ireo, hoy hatrany I Durlin Retogniane.
J. Mirija
Notanterahina omaly teny amin'ny Gara Soarano ny lanonana politika fametrahana samboady ireo
Mitady minisitra volamena tonga dia tsy kosehina intsony fa avy dia mitondra fahazavana
Tsy mahafaty ny mahatsikaiky! na koa hoe «Le ridicule ne tue pas!»,
Aiza sy nankaiza ny Filohan’ny Delegasionina manokan’ny Kaominina Antananarivo Renivohitra Atoa Ramanambitana Richard ?
Efa mitovy salan’isa amin’ireo tantsaha mpamokatra eto amintsika izany hoe :
Mbola vitsy ireo vehivavy misahana andraikitra ambony na miantsehatra eo amin’ny