Minia tsy mihaino sy miziriziry amina hevi-diso hita fa tsy mahasoa firenena ny fitondram-panjakana, hoy izy. Nisy fidinana an-dalambe nokasaina atao tao amin’ny Magro ny faran’ny herinandro teo. Ireny no niafarany. Tsara foana ny maka lesona tamin’ny lasa. Efa nisy foana izany fisamborana izany tamin’ny fitondram-panjakana nifandimby. Niaraha-nahita ny vokany fa rehefa tonga amin’ny fetra tsy zakan’ny vahoaka dia niongana ihany. Ilana fifampiresahana sy fifampidinihana izao zava-misy ankehitriny izao. Na tiana na tsy tiana dia tsy mahomby ny paikady heverin’ny mpitondra hitantanana ny firenena ka ilana vahaolana. Tsy tokony ho henatra ho azy ny mangataka ny hevitry ny hafa. Tsy ho zakan’ny vahoaka Malagasy raha sanatria ho tonga amina korontana izao zava-misy izao. Ny paikady tsy mahombin’ny mpitondra ihany no mahatonga izao. Ny rehetra izao no miombona fa tsy misy zavatra mandeha intsony eto amin’ity firenena ity ary tsy manana vahaolana aroso hanatsarana ny fiainam-bahoaka ny fitondrana mijoro nefa betsaka no mandroso soso-kevitra hivoahana amin’izao fahantrana lalina izao, hoy hatrany izy.
J. Mirija
Hanao rodorodo any Toamasina hiatrika ny filankevitry ny minisitra mitety faritra anio
Efa niteny ny antoko politika Teza fa tsy handray anjara amin’io fifidianana io satria ho haingon-tsehatra
Mitohy ny fanapahan-kevitra hafahafa ao amin'ny Antenimierampirenena Tsimbazaza taorian'ny nanonganan'ny IRD
Anio 16 aprily 2024 no hamoahan’ny Fitsarana avo momba ny lalàmpanorenana na
Isan’ireo antoko nanapa-kevitra handray anjara amin’ny fifidianana ny antoko politika Otrikafo
Mbola misy ny antsojay amin’ireo tsy ao anatin’ny antoko politika miaraka amin’ny fitondrana