Politique

fa tsy ny vahoaka velively no nampisy olana ny fitondrana fa ny mpitondra sy ny forongony mihitsy no mamorona olana ho an'ny fitantanana firenena sy ny vahoaka ho entiny. Na ireo mpiara-miasa manodidina ny filoha aza efa mahita ny tsy fahombiazany sy ny lainga marivo tototra nataony, hoy izy. Ny fampanantenana maro tsy voatanisa tsy tanteraka nampanantenainy dia efa manao tsipak'omby miala aina aby. Ny mpanipy oditr'akondro sy mipasoka ny efa malama moa tsy hay refesina. Ny vahoaka no mitaty kihony ka rehefa misy sahy milaza ny tsy mety sy manitsy ny làlana tsara tokony andehanan’ireo mpitondra dia raisiny ho fahavalo sy mpanakorontana ny fiandrianam-pirenena izany fa tsy mba hainy ny mandray ny fanitsiana ho lasa fanatsarana. Tsy mahay maka lesona izao filoham-pirenena izao. Mampieritreritra ny maro izany fa inian’ny mpitondra ny mampahantra ny vahoaka malagasy toy izao, hoy hatrany ny tenany.
J. Mirija