airtel

Politique

18-août-2023

Politique

Falson Jocelyn Rantenaina “Diso mahatoky loatra ny Filoha”

Sample post image

Somary mamaivay ny raharaham-pirenena ankehitriny, hoy ny mpanao politika sady mpandraharaha, Falson Jocelyn Rantenaina.

18-août-2023

Teo ny sampona na “scandale” mikasika ny zom-pirenen’ny filoham-pirenena, hoy izy. Niampy ity rahahara Romy Voos ity indray. Voizin’ny mpanohitra loatra io raharaha farany io na dia mbola tsy fantatra aza ny tena marina ao ambadik’izy io, hoy izy. Ny 8 septambra raha ny fantatra no fotoam-pitsarana azy. “Ho an’ny mpanaradia ny fitondrana indray satria efa nesorina amin’ny toerany moa izany ilay olona manoloana ilay olana tsy nihatra taminy irery fa tamin’ny firenena iray manontolo dia te hanome hafatra ihany aho hoe tsy tsara loatra ny manenji-dresy. Samia miandry sy mihaino am-pitoniana ny valim-pitsarana ahafahantsika mitsara azy. Diso mitsara olona ivelany loatra ny ankamaroan’ny gasy. Marina fa nanao izy, raha ny angom-baovao voaray, fa na izany na tsy izany tsy ampy loatra hiampangana azy ho meloka izany”, hoy I Falson Jocelyn Rantenaina. Etsy ankilany betsaka no mivoy hoe tokony asiana tetezamita. Tsy tokony miditra amin’izany izao fitondrana izao, hoy izy. Napetraka tamin’ny fomba madio sy mangarahara tamin’ny alalan’ny safidim-bahoaka izy ny taona 2018, ka tokony hamindra fahefana koa izany izy raha tsy lany amin’ny 2024. Tsy misy antony na sakana kely akory tsy andehanan’ny fifidianana satria efa nanao fanambarana ny CENI. Tahotra fifidianana ny filazana hoe tokony asiana tetezamita. Inona moa no ilàna fifampiresahana? Angaha misy mikorontana eto? Hizarana seza toy ny tamin’ny 2018 ve hoe an-dRakoto ny praiminisitra dia an-dRanona ny minisitra atsy sy atsy? Tsy fotoan’izany intsony izao satria 1 volana sisa raha ela indrindra dia hametra-pialana ny filohan’ny repoblika. Tsy mitombina ny hoe tsy afa-miala amin’ny raharaha Romy Voos ny filoham-pirenena satria tsy izy no naniraka azy ho any. Ny manodidina ny filoha no manao ny ataony dia izy foana no voatonotonona. Diso matoky olona loatra ny filoham-pirenena ka tsy izy no manao ny fifantenana sy fahendrena fa ilay akaiky azy. Firenena no resahana fa tsy finamanana sy fihaviana. Sarotra be ny mandinika ny politika eto Madagasikara. Esory amin’izay ilay hoe: ny fitiavana no lehibe indrindra, hoy hatrany ny tenany!
J. Mirija

 

Dans la même rubrique

21-juin-2024

vita amin’ny takelaby mifono varahina ary mikombona vozony izay mirefy 7,62x30mm ho an’ny Kalacknikov ny Ozinina Miaramila

Card image cap
21-juin-2024

Nilamina tamin’ny ankampobeny ny fiatrehana fifidianana tamina toerana maro teto Madagasikara,

Card image cap
21-juin-2024

Tsy misy zavatra tsy azo tanterahana anaty teny ifampiherana, hoy ny antoko politika Fiombonana.

Card image cap
21-juin-2024

Miditra an-tsehatra an-tsehatra ny Firenena Milambana manoloana ny toe-draharaha eto Madagasikara, indrindra taorian’ny fifidianana.

Card image cap
21-juin-2024

Efa hitan’ny sehatra iraisampirenena ny tsy fahatomombanan’ny zotram-pifidianana teto Madagasikara,

Card image cap
20-juin-2024

Fantatrareo fa ny vondrona politika ‘Lay FAR, izay ahitana ny antoko politika Les Phares,

Card image cap