airtel

Politique

20-mars-2023

Politique

Famoriam-bahoaka teny Itaosy Nanomboka namaky barazy ny TIM

Sample post image

Tahaka ny mahazatra, nosakanana indray ny hetsiky ny TIM ny sabotsy lasa teo teny Beravina Itaosy. Rakotra mpitandro filaminana ny toerana nifanaovan’ireo mpitarika sy ny vahoaka fotoana.

20-mars-2023

Somary nahery vaika anefa ny zava-nisy omaly satria tsy nanaiky lembenana ireo depiote TIM sy ny mpanotrona. Raha ny hita hatramin’izay, manaiky ny TIM, ary mirava ny hetsika, saingy ny sabotsy teo, raikitra ny fanosehana ny mpitandro filaminana. Nandeha mantsy ny fifampiresahana notarihin’ny depioten’Atsimondrano Alain Ratsimbazafy sy ny mpitarika ny TIM andaniny, ary ny mpitandro filaminana ankilany, ka nilaza ireto farany fa tsy nahazo alalana ny TIM fa nolavin’ny Prefektiora. Nampahatsiahy ny Depiote TIM fa depiote tahaka azy no nitarika olona teny Andoharanofotsy-Mahabo-Mandrimena-Andoharanofotsy tsy nisy taratasy, notapahana ny làlana ka ara-dalàna ve ka nihetsika ve ny mpitandro filaminana? Tsy te hahalala izany anefa ireo mpitandro ny filaminana. Nigadona teny an-toerana i Marc Ravalomanana, saingy efa nosakanana ny vavahady.
TSY NANAIKY
Tsy nanaiky anefa ireo depiote sy ny vahoaka, ka raikitra ny fanosehana sy famakiana barazy. Vokany, tafiditra tao amin’ny toerana nifanaovana fotoana ihany I Marc Ravalomanana. Nakaton’ny mpitandro filaminana indray anefa ny vavahady vao tafiditra ny Filoha teo aloha. Nivoaka nifampiresaka tamin’ny mpitandro filaminana ireo depiote mba hampidirana ireo vahoaka saingy nandà ireo mpitandro filaminana. Raikitra indray noho izany ny fanosehana mba hahavaky ny sakana, ka nipoaka ny baomba mandatsa-dranomaso. Lehilahy iray no tsy nahatsiaro tsena sy nivoaka farora-bava rehefa tsy nahazaka izany. “Fahatahorana, ary izy no mety hanao ao anaty pataloha, mila “couche” ny fitondrana, nibotsimbotsina be ny Filoham-pirenena nanao teny tsy voahevitra, fa rehefa tena dinihina izy ireo kanosa”, hoy ny Depiote TIM Fetra Ralambozafimbololona. Nilaza kosa I Marc Ravalomanana fa tsy hihemotra fa tena hanao azy, ary naneho mihitsy izy fa mitovy tsy misy valaka ny tamin’ny 2002 io zava-miseho io saingy tsy misy maharesy vahoaka. “Mitovitovy tsy misy valaka ny tamin’ny 2002 fa ny daty no samihafa,… mahafantatra tsara ny paiakady rehetra ary ianareo aza taitra fa matoa aho miteny dia tena hanao aho izay. Tena tsy fampiseho masoandro, izao fihetsika izao ve no hanomanana fifidianana, tsy manao na inona na inona izahay dia atao tahaka izao. Io tahaka ny vovon’alika ka tsy hery fa tahotra”, hoy I Marc Ravalomanana, izay nanentana ny olona hisoratra anarana ao anaty lisi-pifidianana.
Toky R
 

Dans la même rubrique

21-juin-2024

vita amin’ny takelaby mifono varahina ary mikombona vozony izay mirefy 7,62x30mm ho an’ny Kalacknikov ny Ozinina Miaramila

Card image cap
21-juin-2024

Nilamina tamin’ny ankampobeny ny fiatrehana fifidianana tamina toerana maro teto Madagasikara,

Card image cap
21-juin-2024

Tsy misy zavatra tsy azo tanterahana anaty teny ifampiherana, hoy ny antoko politika Fiombonana.

Card image cap
21-juin-2024

Miditra an-tsehatra an-tsehatra ny Firenena Milambana manoloana ny toe-draharaha eto Madagasikara, indrindra taorian’ny fifidianana.

Card image cap
21-juin-2024

Efa hitan’ny sehatra iraisampirenena ny tsy fahatomombanan’ny zotram-pifidianana teto Madagasikara,

Card image cap
20-juin-2024

Fantatrareo fa ny vondrona politika ‘Lay FAR, izay ahitana ny antoko politika Les Phares,

Card image cap