airtel

Politique

12-déc-2023

Fanapahan-doha sy « kidnapping »

Miampanga ny mpanohitra ny Jeneraly Ravalomanana…

Sample post image

Nanitrikitrika ny jeneraly misotro ronono Ravalomanana Richard Filoham-panjakana mpisolo toerana omaly,

12-déc-2023

fa voafehin’ny mpitandro ny filaminana ny tsy fandriampahalemana eto amin’ny firenena. Nolazainy mihitsy aza fa fanakorontanana politika ny resaka fanapahan-doha, fakana an-keriny,... «Io tsy fandriampahalemana lazaina fa tsy misy io, amin’izao fotoana izao lasa misy an’izany hoe manapa-doha, lasa misy hoe : tapahan’ny lohan’ny olona any ambanivohitra any, alaina ny mason’ny olona,.. Talohan’ny fifidianana dia hoe : tsy milamina ny tany fa andao hidinika,... Tany amin’iny faritr’i Betafo iny, narehitra ny asan-jiolahy, dia amin’izao any Ankazobe lasa misy «kidnapping». Tsy tongatonga ho azy ireny fa ao anatin’ilay tiana hotenenina fa mikorontana ny tany sy ny firenena, fa izaho kosa miteny aminareo fa raha ampitahaina amin’ny zava-niseho tany aloha dia tsy misy dikany izao zavatra hatrehana izao, voafehin’ny mpitandro ny filaminana izao zavatra hatrehana izao », hoy ny Jeneraly Ravalomanana Richard. Rehefa zohiana ny teniny, tena miampanga mivantana ny mpanohitra ho mamboly tsy fandriampahalemana ity manamboninahitra misotro ronono ity. Nambara fa voafehy ny fandriampahalemana kanefa misy ihany ny fanapahan-doha, misy ny fakana an-keriny izay vao tsy ela Atoa Andry Rajoelina no nilaza fa nampiasaina tamin’ny ady amin’ity faharoa ity ny rindram-baiko « Predator » novidiana 14 tapitrisa dolara,… Tsy miaro ny mpanohitra fa raha avy amin’ny fanoherana tokoa ve ny tsy fandriampahalemana tsy efa nisy mpanohitra voasambotra sy nidoboka tany Tsiafahy na Antanimora ? Fanehoan-kevitra teny amin’ny Facebook aza nisamborana sy nanagadrana olona an-taonany, ny voalaza fa fikasana hanongam-panjakana tonga dia fantatra ary efa any tsiafahy ny kolonely roa, ny olona lazaina fa niantso ny tafika hikomy tonga dia voaantso,… Koa nahoana ny resaka fanapahan-doha sy « kidnapping » no efa tanteraka sy mirongatra no tsy voasoroka ? Hatreto aloha mbola tsy nisy mpanao politika avy amin’ny fanoherana re fa voasambotra tamin’ny resaka aferana fanapahan-doha na « kidnapping». Ny re sy nanaovan’ny olona fanamarihana dia olona akaiky ny solombavambahoaka lany tamin’ny lokon’ny fitondrana na « assistant parlementaire » ny iray tamin’ireo malaza fa mpaka an-keriny tany Alaotra izay namoahana didy fampisamborana fa mbola tsy hita hatramin’izao. Tahaka izany ihany koa ilay mpiasa teo anivon’ny INSTAT maty notifirina tetsy Andohan’i Mandroseza izay nanana fifandraisana tamin’ny olom-panjakana ambony amin’izao fitondrana izao raha ny sary niparitaka,…
Toky R
 

Dans la même rubrique

21-mai-2025

Tsy mitsahatra ny manaraka ny fivoaran’ny toe-draharaham-pirenena misy eto amintsika ny

Card image cap
21-mai-2025

Taorian’ny fitsarana teny amin’ny Filankevi-panjakana na « Conseil d’Etat »

Card image cap
21-mai-2025

Araka ny efa nampoizina, notsipahan’ny Birao maharitry ny Antenimieramierampirenena

Card image cap
20-mai-2025

Andrasana anio 20 mey 2025 etsy amin’ny Antenimierampirenena ny Minisitra miisa 3

Card image cap
20-mai-2025

eto ny mpandraharaha any ivelany»

Card image cap
20-mai-2025

Manoloana ny resaka aely ao amin'ny kaominin’i Talata Volonondry mikasika ny

Card image cap