airtel

Politique

02-févr-2023

Politique

Fanavaozana manontolo ny lisi-pifidianana Tsy tratra ny tanjona, mbola latsaky ny 10 tapitrisa…

Sample post image

Mpifidy 13 500 000 any ho any no tanjona tamin’ny isan’ny mpifidy voasoratra anarana nandritra ny fanavaozana manontolo ny lisi-pifidianana,

02-févr-2023

nanomboka ny 01 oktobra 2022 hatramin’ny 31 desambra 2022, ary nohalavaina ho hatramin’ny afakk’omaly 31 janoary 2023. Raha ny antontan’isa azo tamin’ny Vaomieram-pirenena misahana ny fifidianana na ny CENI kosa, miisa 9 452 504 ireo mpifidy voasoratra anarana hatramin’ny omaly. Rahampitso zoma no hanao valan-dresaka amin’ny mpanao gazety hiresaka bebe kokoa momba iny fanavaozana manontolo ny lisi-pifidianana iny CENI, ka dia andrasana izany ny pitsopitsony sy ny mety ho antontan’isa farany. Tsy tratra mazava ho azy ny tanjona 13 500 000 tapitrisa, ary na ny isan’ny mpifidy 10 tapitrisa mahery tao anaty lisitra tamin’ny taona 2018 aza tsy tratra. Tamin’ity anefa netsehina avokoa izay fomba rehetra nahafahana nandrisika ny olom-pirenena hisoratra anarana, satria hatramin’ny fitsarana mitety vohitra nahafahana nanome kopian’ny sora-pahaterahana ahafahana mahazo karapanondrom-pirenena. Somary mahagaga ihany hoe: inona no antony? Teo ny mety ho tsy fahampian’ny fanentanana fa toa mampitombina ny ahiahy sy ny fifampiampangana fa nisy anarana niverimberina na “doublons” ve ny tamin’ny 2018 fa tany amin’ny 8 tapitrisa no tokony ho isan’ny mpifidy? Ankoatra ny antoko politika rahateo, dia nisy firaisamonim-pirenena naneho an’io. Na nisy aza ihany koa aza ny antoko nanao fanentanana ny olom-pirenena hisoratra anarana tamin’ny lisi-pifidianana, dia tao ny naneho fa voasembatsembana tsy afaka nanao ilay hoe: “animation de la vie politique” na fanentanana momba ny fiainana ara-politika eto firenena, araka ny lalána fehizoro faha-55 andininy faha-3, 18-2002-008. Misy ireo antoko niampanga ny fitondrana noho ankehitriny noho ny fanakanana sy fanembatsembanana samihafa ny hetsiky ny antokony. Tsara ihany anefa ny mampahatsiahy sy manamarika, fa tsy fikatonan’ny lisi-pifidianana ny 31 janoary teo, fa ny fitetezana tokantrano no tapitra. Mitohy kosa ny fahafahan’ny olom-pirenena misoratra anarana eny amin’ny fokontany mba ho tafiditra anaty lisitry ny mpifidy.
Toky R

9 452 504
 

Dans la même rubrique

18-juil-2024

Nijanona ho resaka ambony latabatra sy fangaronan-dela ara-politika aloha ilay hoe :

Card image cap
18-juil-2024

Manoloana ny fanenjehana ara-politika miseho lany ankehitriny dia nanambara ny antoko politika

Card image cap
17-juil-2024

Tsy fotoana hikorontanana eto amin’ny firenena intsony izao fa fotoana hisian’ny

Card image cap
17-juil-2024

Fantatrareo fa tsy nandray anjara tamin’ny fifidianana ny antoko politika Teza,

Card image cap
17-juil-2024

Manoloana ny toe-draharaha misy eto amin’ny firenena dia nanao fanambarana miaraka tetsy

Card image cap
17-juil-2024

Taorian’ny endrika fangejana ara-politika samihafa nialohan’ny fifidianana filoham-pirenena,

Card image cap