airtel

Politique

25-oct-2022

Politique

Fanisana mpifidy ao Ambohitrimanjaka Mpanisa 14 no misahana fokontany 25

Sample post image

Efa mandeha ankehitriny ny fanisana mpifidy ety Ambohitrimanjaka, hoy ny ben’ny tanana ao an-toerana, Ihajason Randriamanalintsoa.

25-oct-2022

Kely ny isan’ny mpanisa na “agent recenseur” raha mitaha amin’ny isan’ny fokontany satria 14 izy ireo no misahana fokontany 25, hoy izy. Mampirisika ny olona hampiditra ny anarany ao anaty lisi-pifidianana izahay mba hahafahany mandray ny andraikiny amin’ny fotoana fahatongavan’ny fifidianana. Manana tambin-karama manokana 300 Ariary isaky ny olona voaisa moa ireo mpanisa. Ny olana dia ireo sefo fokontany tena mahafantatra ny fokontany sahaniny dia 10.000Ariary isan-telo volana no anjarany. Ireo “agent recenseur” nefa be dia be no tsy mahalala akory ny fokontany iasany. Raha tsy eo izany ny sefo fokontany mitari-dalana an’ireo dia tsy ho tafavoakan’ireo io. Mba tokony jerena ihany ny dikan’izany ny fandrisika ho an’ireo sefo fokontany ireo. Mila jerena etsy ankilan’izay ny fandaminana ny famonjena ireo olona any an-trano satria fotoanan’ny fanetsana izao. Mety miala amin’ny 6 ora maraina ao an-trano dia tsy tafaverina raha tsy amin’ny 4 hariva ny olona. Misy sefo fokontany manorina kara-panondro fotsiny dia iny no omeny ilay mpanisa. Izany hoe lasa tsy mihetsika ilay mpanisa ka tsy azo ekena ny toy izany. Mila mailo amin’io satria hoe sao ny kara-panondron’izay tiany hifidy ihany no alainy. Ny resaka famatsiana ilay tablety ho an’ireo mpanisa moa dia mbola hanaovanay antsoavo amin’ireo tomponandraikitra hoe mba alefaso ny anjaranay fa mbola tsy nisy nahazo na iray aza mba hanamora sy haha matotra ilay asa atao. Taty amin’ny faha 10 oktobra taty daholo vao nanomboka fanisana fa tsy nisy nahaja ilay hoe voalohan’ny volana oktobra satria niandry an’io tablety io. Tsy tonga moa ilay izy dia hoe aleo ary alefa amin’izay fitaovana eo am-pelantanana aloha. Raha betsaka angamba dia eo amin’ny 7%n’ny fanisana any hatreto no vita, hoy hatrany ny tenany.
J. Mirija

Dans la même rubrique

12-avril-2024

Lasibatry ny teti-dratsy politika maloto mba tsy hisian’ny kandida afatsy kandidam-panjakana tao Sambava

Card image cap
12-avril-2024

Mivarahontsana isika satria tena sahirana tanteraka ny firenena kanefa misy mpitantana.

Card image cap
12-avril-2024

Tsy mbola niova ny fahitan’ny antoko politika Fiombonana ny fifidianana eto Madagasikara,

Card image cap
12-avril-2024

Taorian’ny fifidianana Filoham-pirenena farany teo no efa nanomboka nivoaka ny resaka sy ny feo,

Card image cap
12-avril-2024

Notsikafonin’ny Firaisamonim-pirenena heveriny fa didy jadona sy fanitsakitsahana ny :

Card image cap
12-avril-2024

Natolotra ofisialy ny alarobia 10 aprily teo teny Alasora ny lisitry ny kandida tarihin’ny Depiote Gerry Randriambolaina

Card image cap