airtel

Politique

24-avril-2023

Politique

Fanjakana miangatra Milentika any am-ponja i Stan’ley, miriaria i Tatandraza

Sample post image

Toe-javatra roa maneho ny fisian’ny Fanjakana miangatra sy mietraketraka ny raharaha Stan’ley Ramarivelo sy ny an’I Marc Tatandraza.

24-avril-2023

Ny faramparan’ny volana septambra 2022 no nidoboka am-ponja vonjimaika ilay tanora mpaneho hevitra sy mpizara vaovao tamin’ny Facebook antsoina hoe: Stan’ley Ramarivelo. Isan’ireo sahy nitsikera ny fitondram-panjakana, nitanisa ny zavatra tsy nety,… Nosamborina avy eo fa hoe: tompon’ny Kaonty Facebook mpanevateva sy mpanopa olona ambony eo amin’ny fitondrana. Lazaina fa diso tonga dia milentina any am-ponja. Tsy fiarovana azy, fa na efa tany am-ponja aza izy, mbola nandeha ilay kaonty nolazaina fa izy no tao ambadika. Hatramin’ny reniny dia lasibatra satria noesorina tamin’ny asa niantsorohany. Mandrak’ity ny androany, toa tsy re intsony ny tohiny, toy ny raharaham-pitsarana momba azy. Toa maneho fa ambadika sy lonilony politika no nentina nandetehana sy nampirimana azy any am-ponja. Etsy ankilany, miriaria sy miaina finaritra I Marc Tatandraza izay mitonona ho olon’ny fitondrana. Efa firy taona izay no nandrahona olona, nanao horonan-tsary tamin’ny Facebook mampiseho sabatra ary milaza mihitsy hoe: hojinjainy amin’iny sabatra iny Rakoto na Rabe, indrindra fa ireo mitsikera fitondrana. Firifiry ny fanakorontanana saim-bahoaka sy fandrahonana nataony fa moa misy tohiny? Moa tsy mody namoahana didy fampisamborana fa avy eo vitavita ho azy teny? Nahoana no notazanim-potsiny? Mbola maro ihany koa ireo kaonty fako manimbazimba sy manompo olona, miteny ratsy milaza zavatra tsy fampiseho masoandro,… fa nahoana no hodiana adala? Izay tsy mitovy hevitra amin’ny Antokon’ny fitondrana ihany no mendrika hizioga any Antanimora fa ny hafa karamaina mihitsy aza hanaratsy sy hanimbazimba ireo mpanohitra sy ny mitovitovy aminy? Fa natao ho an’iza marina ny lalàna?
Toky R
 

Dans la même rubrique

28-mars-2024

Mankahery ny vahoaka malagasy manoloana ny zava-misy ankehitriny

Card image cap
28-mars-2024

Nisy omaly 27 martsa takariva ny karazana fandaharana sy fanambarana nataon’ny PAN.

Card image cap
28-mars-2024

Ankoatra ny fitoriana mba hanonganana tsy ho depiote ny Filohan’ny Antenimierampirenena Rtoa Christine Razanamahasoa,

Card image cap
28-mars-2024

Nidoboka am-ponja ao Antanimora efa tapa-bolana izao Atoa JR lehiben’ny faritra Analanjirofo tamin’ny fitondrana Rajaonarimampianina,

Card image cap
28-mars-2024

Misedra olana marolafy ny firenena na ara-politika na ara-toekarena na ara-tsosialy!

Card image cap
28-mars-2024

Manamafy ireo mpikatroka ifotony ao anatin’ny Antoko TIM ao anatin’ny distrikan’Avaradrano,

Card image cap