airtel

Politique

25-avril-2023

Politique

Fanjakazakana ara-politika Ho afa-baraka ny TGV raha tsy mahazo 80%

Sample post image

Mihamafana ny politika, ary miha mivoatra manaraka izany ny kajikajy hoentin’ny mpitondra am-perinasa maka tombondahiny mba hitazonana io fahefana eo am-pelatanany io.

25-avril-2023

Nampiasaina ny mpitandro filaminana hanakana ny mety ho mpifanandrina, saingy tsy ampy iny fa namoaka didy mandrara ny famoriam-bahoaka ara-politika an-kalamanjana ny Minisiteran’ny Atitany. Tsy voasakana kosa ny mpitondra amin’ny maha mpanatanteraka azy. Hatramin’ny fianakaviambe iraisam-pirenena nahitana ny Vondrona Eoropeanina sy masoivoho 7 no namoaka fanambarana fa fanohintohinana ny demokrasia izao. Namoaka indray ny firaisamonim-pirenena fa manao fanararaotana ny fitondrana ka afangaro ny lanonam-panjakana sy ny kabary politika. Mandeha ny kapa ranjo samihafa ho an’ny antoko sasany, tahaka ny tsy namelana ny MMM (Malagasy Miara-Miainga) namory olona tao anatin’ny toerana mifefy fanaovana lanonana any Imito, Faritra Amoron’I Mania, nesorina ny Lehiben’ny distrikan’Andapa izay heverina fa noho ny tsy fanakanana ny hetsika Mihava Tour an’I Siteny Randrianasoloniaiko,... An-kilany, ny olon’ny fitondrana manao ny ataony hatrany, tahaka ny “Redynamisation Antoko TGV” notarihin’ny Depiote Nina. Toerana ankalamanjana fa mety mifefy, hetsika politika ary izany anarany izany dia efa mazava,… saingy afaka manao izay tiany. Manginy fotsiny ny fampiasana ny fahefam-panjakana samihafa, ny volam-panjakana, ny fitaovam-panjakana, ny fizarazarana zavatra,… ho amin’ny tombotsoa politika. Ny hafa kosa sakanana sy hetraketrahina! Raha tarafina amin’izao fihetsika mamoafady ara-politika samihafa izao sy isian’ny fanjakazakan’ny TGV sy fihetraketrahana ny hafa, ankoatra ny rafitra mpikarakara fifidianana manalasala ny hafa, ny lisi-pifidianana mampiahiahy, ny rafitra mpitsara ny fifidianana izay betsaka no tsy mahatoky, dia maty antoka tanteraka ny Antoko sy Vondrona antoko eo anivon’ny fitondrana raha tsy mahazo 80%. Tena mbola mahatoky sy resy lahatra amin’ilay fitondrana ankehitriny ve anefa ny vahoaka maro an’isa, raha tarafina amin’ny fihemoran’ny firenena, ny fitotonganan’ny toekarena, ny fitomboan’ny tahan’ny mahantra, fitdangan’ny vidim-piainana, tsy fandriampahalemana, afera maloto sy kolikoly,… Asa na hanaitra ny hambom-pon’ny hafa izany fa raha ny zava-misy dia efa don-tandroka sy fandemen-tsaina avo lenta hibodoana fahefana io?
Toky R
 

Dans la même rubrique

24-mai-2024

Ao anatin’ny kihon-dàlana faramparany amin’ny fampielezan-kevitra isika amin’izao fotoana izao,

Card image cap
24-mai-2024

Miha milentika amin’ny lafiny maro ny firenena. Mitombo ny fahasahiranan’ny vahoaka Malagasy noho ny tsy fahombiazan’ny mpitondra.

Card image cap
24-mai-2024

Hirarakopana indray atsy ho atsy ny fivoahana any ivelany ataon’ny Filoham-pirenena

Card image cap
23-mai-2024

Nanomboka omaly alarobia 22 mey ny andrana ho an’ny fitaterana an-tariby na TPC na «

Card image cap
23-mai-2024

Nandefasan'ny Minisiteran’ny Serasera sy ny Kolontsaina na ny MSK taratasy fakatonana ihany

Card image cap
23-mai-2024

Vaovao politika nafana tao Manakara ny nanambaran’ireo kandida roa dia i Tidjy Wai N°5 sy Tanjona N°2

Card image cap