airtel

Politique

06-avril-2023

Politique

Fiatrehana ny fifidianana Mbola ankamantatra ny tohin’ilay fampihaonana nataon’ny CENI

Sample post image

Taorian’ny dinik’asa fampihaonana sy fakan-kevitra nataon’ny CENI niantsoana ireo mpiantsehatra mivantana na

06-avril-2023

ankolaka amin’ny fifidianana ny 24 martsa lasa teo teny amin’ny Novotel, dia nilaza ny CENI tamin’ny alalan’ny Tale Kabinetrany Atoa Jean Louis Andriamifidy tamina fandaharana iray, fa navondrona ho teboka lehibe 4 ireo tolo-kevitry ny mpandray anjara. Hikendrena zotram-pifidianana mangarahara sy milamina ary azo itokisana ny CENI moa no làlan-tsaina nambara fa anton’iny fampihaonana iny. Tanjona tamin’izany ny handraisana ireo tolo-kevitra avy amin'ireo mpiantsehatra rehetra hahafahana mitady ny tokony hatao hanatanterahana izany tolo-kevitra izany. Teboka voalohany ny mikasika ny rijatenin-dalàna mifehy ny fifidianana. Faharoa, ny mikasika ny raharaham-pifidianana, ka voaresaka tao ny tolo-kevitra mikasika ny lisitry ny mpifidy, ny birao fandatsaham-bato ary ny voka-pifidianana. Fahatelo, ny fanaovana fampielezan-kevitra mialoha ny fifidianana, ny fanentanana sy ny fanabeazana ny olom-pirenena amin'ny tontolo politika. Farany, ny fanaraha-maso ny fifidianana. Nambara fa hozaraina amin’ireo mpandray anjara tamin’ny dinika avokoa io fehin-kevitra izay efa voasonian’ny filohan’ny CENI ary efa voarakitra ao antin’ny fitananana an-tsoratra eo anivon’ity voamiera ity. Dingana manaraka ny fampivoriana ireo mpiantsehatra rehetra ireo ary ny fijerena miaraka ny fomba hanatanterahana ireo tolo-kevitra voaray. Tombanana ho mbola sarotsarotra io dingana manaraka io, toy ny lalàm-pifidianana izay mbola adihevitra be. Tao anatin’io fivoriana io aza, dia nisy ny fanambarana politika nataon’ny Vondrona G5 (RMDM, PANORAMA, HPM, VPHM, HIFFIM) nilaza fa ny CENI mihitsy no tsy azo antoka noho ny olona mandrafitra azy, izay saika avy amin’ny fitondrana ny ankamaroany, fa tsy misy avy amin’ny fanoherana. Mifanindran-dàlana amin’izany, mihamafana ny toe-draharaha ara-politika toy ny fanapahan-kevitry ny fanjakana handrara ny hetsika ara-politika an-kalamanjana, ary saika miampanga ny CENI sy ny HCC noho ny fitazanana fotsiny ny fihetsiky ny Fanjakana ireo antoko mpanohitra.
Toky R
 

Dans la même rubrique

21-juin-2024

vita amin’ny takelaby mifono varahina ary mikombona vozony izay mirefy 7,62x30mm ho an’ny Kalacknikov ny Ozinina Miaramila

Card image cap
21-juin-2024

Nilamina tamin’ny ankampobeny ny fiatrehana fifidianana tamina toerana maro teto Madagasikara,

Card image cap
21-juin-2024

Tsy misy zavatra tsy azo tanterahana anaty teny ifampiherana, hoy ny antoko politika Fiombonana.

Card image cap
21-juin-2024

Miditra an-tsehatra an-tsehatra ny Firenena Milambana manoloana ny toe-draharaha eto Madagasikara, indrindra taorian’ny fifidianana.

Card image cap
21-juin-2024

Efa hitan’ny sehatra iraisampirenena ny tsy fahatomombanan’ny zotram-pifidianana teto Madagasikara,

Card image cap
20-juin-2024

Fantatrareo fa ny vondrona politika ‘Lay FAR, izay ahitana ny antoko politika Les Phares,

Card image cap