airtel

Politique

08-févr-2023

Politique

Fifandirany amin’i Mamy Ravatomanga Nanamafy ny fijoroany vavolombelona i Rolly Mercia

Sample post image

Niakatra fitsarana omaly 07 febroary 2023 tetsy Anosy indray ny Minisitra teo aloha Harry Laurent Rahajason na Rolly Mercia,

08-févr-2023

izay notorian’ny mpandraharaha Mamy Ravatomanga ho nanao fijoroana vavolombelona mandainga tany amin’ny PNF (Parquet National Financier) any France. Tsy nety namoaka ny tena fijoroana vavolombelona any amin’ny PNF I Rolly Mercia na nosokirin’ny fisarana aza, saingy namerina nanamafy ny fijoroana vavolombelona, rehefa nahatsiaro ho voafitaka. Ankoatra azy, voatonona tao amin’ny fitsarana ihany koa ny anaran’i Voahangy Rajaonarimampianina, izay voalaza fa niray tsikombakomba tamin’ny fijoroana vavolombelona mandainga. Notononin’i Rolly Mercia ho nampiantso ny fianakaviany mba hisintona ny taratasy fijoroana vavolombelona ihany koa Atoa Norbert Lala Ratsirahonana, ka teny amin’ny Villa Pradon Antanimena no nanaovana izany, ary ny setriny dia ny fanafahana azy madiodio tamin’ny raharaha Berija nanenjehana azy. Ny anabaviny sy ny zanany mihitsy no nihaona tamin’Atoa Norbert Lala Ratsirahonana, raha ny nambarany. Vao nanamafy indray ilayy fijoroana vavolombelona I Rolly Mercia, raha ny nambarany teo anivon’ny fitsarana na nisy aza ny taratasy fisintonana izany niaraka tamin’ny fialan-tsiny tamin’ny mpandraharaha Mamy Ravatomanga ny oktobra 2020 satria nahatsiaro voafitaka noho izy vao mainka nohelohina 44 volana. “Henonareo ny anaran’ny olona izay naka ny taratasy tamin’I Rolly Mercia, ka nampanantena fa raha manatsoaka an’io fijoroana vavolombelona tany amin’ny PNF io io dia atao afaka madiodio amin’ny raharaham-pitsarana. Mpanolontsaina manokana tao amin’ny Fiadidian’ny Repoblika. Hay azo atao tahaka izany ny fitsarana hoe: ataovy an’izao fa izahay no mikarakara ny àry, ary ho afaka ianao”, hoy ny mpisolovava Eric Rafidison. Nohenjehina ihany koa ny vadin’ny Filoha teo aloha Rtoa Voahangy Rajaonarimampianina ho niray tsikombakomba tamin’ny fijoroana vavolombelona tsy marina io, ka isika milaza fa dosie tsotra fa rehefa mahita ny zavatra ao anatiny dia politika io dosie io, hoy hatrany ny mpisolovava. Misy teratany Frantsay ihany koa voahenjika miaraka amin’I Rolly Mercia ho nanao fijoroana vavolombelona mandainga tany Paris, saingy tsy henjehin’ny lalàna any amin’io firenena io ny zavatra nataony, ka rehefa tsy henjehin’ny lalàna any dia tsy azonao henjehina amin’ny lalàna aty aminao, hoy hatrany io mpisolovava io. Nangataka ny hampitsaharana ny fitsarana ny mpisolovava izay nambara fa tsy mahefa amin’io ny fitsarana ady heloka tsotra, fa ny PAC (Pôle Anti-corruption) noho ny loham-panenjehana mikasika ady amin’ny kolikoly. Ny 14 febroary 2023 izao no hivoaka ny didim-pitsarana an’I Rolly Mercia, ka andrasana indray ny tohiny hoe: hanao ahoana?
Toky R
 

Dans la même rubrique

17-mai-2024

Tsy nisy fitsabatsabahana nataon’ny vondrona eoropeanina loatra tamin’ny zava-nisy

Card image cap
17-mai-2024

Anisan’ireo nampanantenain’ny filoham-pirenena fa hananganana kianja manara-penitra ny ao Ankazobe.

Card image cap
17-mai-2024

Nivadika tanteraka ny rasa ao amin’ny distrikan’Ambatofinandrahana.

Card image cap
17-mai-2024

Efa manao izay tiany atao ny mpitondra fanjakana, hoy ny mpamakafaka, mpanao politika,

Card image cap
17-mai-2024

Niaiky hatrany ny Filoha Andry Rajoelina fa tena marary isika amin’ny lafiny angovo,

Card image cap
16-mai-2024

Hiakatra eo anivon’ny PAC na «Pole anti-corruption», izany hoe ny fitsarana miady amin’ny kolikoly,

Card image cap