airtel

Politique

06-avril-2023

Politique

Fikirakirana ny fandaniam-bolam-panjakana Nisy fikitihana nandritra ny filankevitry ny Minisitra

Sample post image

Nasiam-panovana ny dingana arahina amin’ny fanatanterahana ny fampiasana ny tetibolam-panjakana araka ny toromariky ny Filoham-pirenena notaterina tao anatin’ny Filankevitry ny minisitra omaly 5 aprily.

06-avril-2023

Ho fanatsarana sy fanafainganana ny fikirakirana ny antontan-taratasim-bolam-panjakana amin’ny fandaniam-bola no nambara fa antony. “Araka ny voalazan’ny andininy voalohany amin’ny lalàna 2016-009 tamin’ny 22 aogositra 2016 moa dia napetraka eo ambany fiahiah’ny Filohan’nyy Repoblika ny fanaraha-maso ny didim-panjakana lf 2023-057 tamin’ny 18 janoary 2023 nentina nananganana eo anivon’ny Fiadidian’ny Repoblika nyy birao fanaraha-maso ny fandaniambolam-panjakana na ny “Bureau de Suivi des Engagements Financiers-BSE”, hoy ny Fanjakana. Dingana arahina ao anatin’io ny hoe: anjaran’ny minisitra tsirairay no mitondra ny tetikasam-pampiasam-bolany eo anivon’ny Filankevitry ny mminisitra, miaraka amin’ny tombam-bidin’ny tsenan’asa izay hataony, raha ohatra ka tsy mbola voafaritra ao anatin’ny lalàna mifehy ny tetibolam-panjakana 2023. Afaka miroso amin’ny fanaovana tolo-bidy vao mahazo fankantoavana, ary mandeha avy hatrany eny amin’nyy fanaraha-maso ny volam-panjakana,… Afaka manao fanaraha-mso ny BSE raha tena manaraka ilay tombam-bidy nekena, ary raha tsy mifanaraka dia azo ajanona ny tsenan’asam-panjakana. Hisy fametrahana rindram-baiko “PRES-SIG” hampidiran’ny Minisitera tsirairay ny drafi-pandaniam-bola izay harosony mba hahafahan’ny BSE manana lisitr’ireo tetikasa hanaovana tolo-bidy sy hanamorana ny fanaraha-maso. Ho an’ny tetikasan’ny Filoham-pirenena kosa, nambara fa hisy fametrahana “guichet unique” hikirakira ny pitsopitsony ara-panjakana rehetra amin’ny tolo-bidy takian’ny tsenan’asam-panjakana ka hisy fanendrena “inspecteur d’Etat” manokana hiandraikitra izany. Na izany na tsy izany, somary mampametra-panotaniana ihany hoe: sady mandidy no manapaka na “juge et parti” izany ny Mpanantanteraka ao anatin’ity fomba fiasa amin’ny fitantanana volam-panjakana ity? Toky R
 

Dans la même rubrique

24-mai-2024

Ao anatin’ny kihon-dàlana faramparany amin’ny fampielezan-kevitra isika amin’izao fotoana izao,

Card image cap
24-mai-2024

Miha milentika amin’ny lafiny maro ny firenena. Mitombo ny fahasahiranan’ny vahoaka Malagasy noho ny tsy fahombiazan’ny mpitondra.

Card image cap
24-mai-2024

Hirarakopana indray atsy ho atsy ny fivoahana any ivelany ataon’ny Filoham-pirenena

Card image cap
23-mai-2024

Nanomboka omaly alarobia 22 mey ny andrana ho an’ny fitaterana an-tariby na TPC na «

Card image cap
23-mai-2024

Nandefasan'ny Minisiteran’ny Serasera sy ny Kolontsaina na ny MSK taratasy fakatonana ihany

Card image cap
23-mai-2024

Vaovao politika nafana tao Manakara ny nanambaran’ireo kandida roa dia i Tidjy Wai N°5 sy Tanjona N°2

Card image cap