airtel

Politique

12-sept-2023

Filohan’ny HCC

“Tsy azonay atao ny manery olona handray fahefana”

Sample post image

Niaro ny fanapahan-keviny momba ny fanomezana ny fitantanana ny firenena ho an’ny governemanta ny Filohan’ny Fitsarana avo momba ny lalàmpanorenana.

12-sept-2023

Tonga tany aminay ny “lettre de renonciation”, izay nilaza fa tsy afaka handray an’io andraikitra io noho ny antony manokana. Tsy niantso na nanadihady izay antony ny HCC, ary tsy niditra tamin’izay. Tsy azonay terena, tsy azon’ny lalàmpanorenana ny olona izay mametra-pialàna amin’ny adidy izay omen’ny lalàmpanorenana”, hoy ny Filohan’ny HCC Atoa Florent Rakotoarisoa. Inona no ho vokany raha hiteny ny HCC hoe: tsy maintsy ataonao io ary tsy fantatra izay ho fiantraikany amin’ny firenena raha olona tsy mazoto no hoterena? hoy izy. Ny andininy faha-46 amin’ny lalàmpanorenana no mamaritra fa raha kandida ny filoha am-perin’asa dia ny Filohan’ny Antenimierandoholona no mandray ny toerany, ary raha kandida ihany koa ny Filohan’ny Antenimierandoholona dia ny governemanta no miara-mitantana. Nisy ny vahaolana fahatelo mba ialana amin’ny fahabangana tsy hidirana amin’ny tetezamita, dia noraisina ihany koa ny andininy faha-52 amin’ny lalàmpanorenana, izay tsy milaza fa kandida ny Filohan’ny Antenimierandoholona, fa hoe: raha misy tsy fahafahan’ny Filohan’ny antenimierandoholona, dia mitovy amin’ilay vahaolana any amin’ilay andininy faha-46 fa ny governemanta no mandray ny andraikitra amin’ny fitantanana ny firenena, hoy io filohana andrim-panjakana io. Ity tsy “empêchement” fa “renonciation”, hoy izy. Io izay nadikan’ny mpanao politika sy ny kandida sasany ho fanonganam-panjakana tamin’ny alalan’ny andrim-panjakana na “coup d’Etat institutionnel” ka anisany ny kandida Marc Ravalomanana, izay nandefa taratasy any amin’ny CENI niaraka amin’ny kandida hafa. Tokony tsy ho afaka hiasa ny Filohan’ny Antenimierandoholona, fa tsy hoe: “empêchement” any amin’ny hafa dia mbola afaka manao ny asany any amin’ny Antenimierandoholona, hoy ny fanehoan-kevitry ny kandida Jean Jacques-Ratsietison.
Toky R

 

Dans la même rubrique

21-juin-2024

vita amin’ny takelaby mifono varahina ary mikombona vozony izay mirefy 7,62x30mm ho an’ny Kalacknikov ny Ozinina Miaramila

Card image cap
21-juin-2024

Nilamina tamin’ny ankampobeny ny fiatrehana fifidianana tamina toerana maro teto Madagasikara,

Card image cap
21-juin-2024

Tsy misy zavatra tsy azo tanterahana anaty teny ifampiherana, hoy ny antoko politika Fiombonana.

Card image cap
21-juin-2024

Miditra an-tsehatra an-tsehatra ny Firenena Milambana manoloana ny toe-draharaha eto Madagasikara, indrindra taorian’ny fifidianana.

Card image cap
21-juin-2024

Efa hitan’ny sehatra iraisampirenena ny tsy fahatomombanan’ny zotram-pifidianana teto Madagasikara,

Card image cap
20-juin-2024

Fantatrareo fa ny vondrona politika ‘Lay FAR, izay ahitana ny antoko politika Les Phares,

Card image cap