izay voalaza fa fikasana hifofo ny ainy ny alahady teo teny anelanelan’ny Rovan’Ilafy sy Ambatobe, dia nanameloka izany kosa ireo akaiky sy mitovy loko politika aminy, fa teo ihany koa ireo olo-malaza ara-politika sy ara-pandraharahana. Nisongadina ny an’ny Filoham-pirenena izay nanambara omaly hoe: “toetra mifanohitra amin’ny kolontsaina malagasy sy ny soa toavina ny herisetra. Manameloka tanteraka izany ny tenako ary miarahaba ny ben’ny tanànan’Antananarivo, Naina Andriantsitohaina, nieren-doza . Mankahery ihany koa ny fianakaviany ary miantso ny mpitandro ny filaminana sy ireo mpanao fanadihadiana hikaroka izay tompon'antoka tamin'izao fikasana ratsy izao. Malagasy iray isika, iray rà, iray aina, mandala ny fihavanana”. Nanambara tahaka izao kosa ny mpandraharaha malaza Mamy Ravatomanga omaly: “Mifanohitra amin'ny soatoavina maha-Malagasy ary tsy azo ekena ny herisetra, na inona na inona tsy fitovian-kevitra. Manameloka tanteraka ny fifofoana aina sy ny fampiasàna herisetra ny tenako, na iza na iza no iharan'izany. Mankahery ny Ben'ny Tanànan'Antananarivo, sady miarahaba azy tsy maty fo aman'aina. Afak’omaly kosa ny an’Atoa Hajo Andrianainarivelo izay lasa aloha nanao hoe: “Manameloka tanteraka ny herisetra sy ny fifofoana aina amin'ny endriny rehetra ny tenako. Arahabaina tsy maty fo aman'aina Atoa Naina Andriatsitohaina, Ben'ny Tanànan'Antananarivo Renivohitra. Malagasy isika, manan-kasina ny soatoavina maha-malagasy antsika, voalohany amin'izany ny fihavanana”. Ity farany, izay marihina fa tsy ao anatin’ny vovonana politika miara-dia amin’ny fitondrana intsony izy sy ny antokony. Nisantantatra ny karazana ampamoaka sy fifanandrinana an-gazety teo aminy sy Atoa Lola Rasoamaharo ny hoe: misabaka ara-politika ny ben’ny tanànan’Antananarivo, ka sady miara-dia amin’Atoa Hajo Andrianainarivelo no miara-dia tsy te ho ratsy amin’ny fitondrana. Mifamahofaho tanteraka moa ny momba ity raharaha fitifirana ny ben’ny tanàna ity ka andrasana ny tohin’ny fanadihadiana hoe: iza marina no tena atidoha? Misy ambadika politika ve? Raha ny vokany miabo aloha dia niakatra ny lazan’ny ben’ny tanàna? Iza no mety hilentika sy ho tapa-doha tahaka ny tamin’ny raharaha Apollo 2021 nandetehana ireo olona voalaza fa saika hifofo ny ain’ny Filoha? Raha raisina tamin’iny, toa olona akaiky ny Filoha no tena voatonona tamin’ireny fa tsy nisy olon’ny mpanohitra? Hanao ahoana kosa ity iray ataon’ny olona vazivazy hoe: “Sedap 2022” ity ?
Toky R
Manaraka ny zava-misy ny antoko politika UNDD, hoy ny filohany, Dr Manoro Régis. Hitanay ny mahazo ny vahoaka, hoy izy.
Mihazakazaka ny toe-draharaha politika, ary hita ho miha mangotraka amin’izao 5 volana mialohan’ny fifidianana izao. Mandeha ny adihevitra samihafa toy ny firesahana sy adihevitra ambony latabatra hametrahhana ny fitsipi-pitondran-tena,
Nankalazaina omaly 01 jona 2023 ny fankalazana ny faha-247 taonana nanambarana ny fahaleovantenan’i Etazonia
Madagasikara an’ny malagasy no fantatray, hoy ny antoko politika Matsilo. Na ny fitondrana ankehitriny aza, hoy ny filohan’izy ireo, Joseph Yoland,
Sarotra raha amin’izao ny hahatarika olona hidina an-dalambe, hoy ny mpamakafaka raharaham-pirenena, Jerry Rakotoarijaona.
Lalaovin’ireo mpamatsy vola mahazatra isika, hoy ny antoko politika Natiora. Averiko ihany, hoy ny filohan’izy ireo, Mihari-Ni-Rencho,