ny praiminisitra nataon’izy ireo farany teo ve sa tena efa tsy firaharahiana ilay fiainam-pirenena sy ireo vahoaka nifidy azy ireo intsony mihitsy? Fanontaniana manitikitika io manoloana ny fahalainan’ireo depiote manatrika fivoriana eny Tsimbazaza tao anatin’izay fiverenan’ny fivoriana ara-potoana izay. Maneho ny tsy fahafaliana na fahatezerany mihitsy amin’ny rafitra mpanatanteraka ve ny rafitra mpanao lalàna? 151 no isan’ireo solombavambahoaka izay samy manana ny toerany eny amin’ny antenimieram-pirenena kanefa dia 19 ihany no isan’ireo tonga mivory misy fotoana. Misy fotoana 14 sy 15, izany hoe am-polony amina depiote maherin’ny 150 isa no manapaka ny fiainantsika mianakavy eto. Ny talata teo izao ohatra dia izany no isan’ny depiote nanatrika tatitra nataona minisitra miisa 4 dia ny minisitry ny serasera sy ny kolontsaina, ny minisitry ny fitsarana, ny minisitry ny fambolena sy minisitra lefitra misahana ny fiompiana. Sehatra tena goavana eto amin’ny fiainam-pirenena anefa ireo, raha ny fitsarana manokana dia firifiry ny fitarainana amin’ny fomba fiasa, ny hetaheta amin’ny fanatsarana io tontolo io. Ny fambolena sy ny fiompiana, tena ain-dehiben’ny firenena satria manana tanjona amin’ny fahavitan-tena ara-tsakafo noraketina anaty velirano izao fitondrana izao, fa dia tsy hita ireo solombavambahoaka. Tsara ho marihina foana fa fivoriana ara-potoana tondroin’ny lalampanorenana no atrehana eny Tsimbazaza izao.Ho entintsika aiza ity firenena ity, hoy ilay fanontaniana lasa mipetraka saika isan’andro.
J. Mirija
Nolazain’ny filoham-pirenena ankehitriny, Andry Rajoelina, ho efa vonona ny famatsiam-bola
Mila fahasahiana sy fihavanana ny fanovana eo anatrehan’ny fiakaran’ny vidim-piainana tsy araka ny fahefa-mividy,
Mandeha ny fanamarihana fa hatramin'ny 1991 dia ny kandidà Toavina Ralambomahay ao
Toy ny fanaony mahazatra dia nanofana ireo vehivavy kandida hilatsaka hofidiana
Hampandany tsy misy fepetra ny kandida Avotra sy Jimmy natolotry ny Vovonana Firaisankina
Akaiky fifidianana isika amin’izao fotoana izao, ary mandeha indray ny fomba rehetra hanjonoana na hanerena