airtel

Politique

20-avril-2023

Politique

Gerard Ramamimampionona «Aoka tsy handrirotra fa mandoro ny firenentsika»

Sample post image

Soatoavintsika malagasy foana ny fipetrahan’ny atao hoe Ray aman-dReny, misaraka ny fanoratra azy satria io ilay niteraka,

20-avril-2023

sy ny Raiamandreny soratana mikambana dia ilay apetraky ny fiarahamonina amina haja manokana noho ny antony maro, hoy ny mpandinika fiarahamonina, Gerard Ramamimampionona. Ny hitambaran’ireo dia manam-panahy daholo ireo, hoy izy. Olon-kendry natao ianteherana. Mampiombona no anjarany. Izay no mahatonga ny malagasy taloha hoe anjaran’ny raiamandreny izany mandray anjara fitenenana izany satria heverina hoe mahay mamadibadika im-pito ny lelany. Mitandrina fatratra ny teny atao izany ka na misy fahadisoana aza dia miala tsiny haingana. Izay rehetra miheritreritra hanao politika, izany hoe miheritreritra hamelona ny mpiara-belona aminy izany dia tokony hijery ny soa iombonana. Tokony hanaja ny tenany eo anivon’ny fiarahamonina koa izany apetraka ho raiamandreny izany ary izany no hanaovana antsoavo ny mpitondra isan’ambaratonga hoe ankoatran’ny fitandremanao ny hasin’ny vatanao dia tokony tandremanao koa ny hasin’ny vondrona misy anao na koa ny firenena iray manontolo. Raha ianao nandrasana ho to teny indray no manao zavatra hafa, indrindra, eo anatrehan’ny zanaka sy ny olona hafa dia tena zava-doza izany. Miantso ny mpanao politika rehetra mihitsy aho ankehitriny na anaty fitondrana io na ivelany hoe lasa masiaka loatra isika. Lasa tsy mifanaja loatra isika. Marina fa nisy olona tsy nahay niteny na niteniteny foana. Na teny nibolisatra io na niniana natao, ny tena raiamandreny koa tsy tokony hirirotra izany. Ataontsika hoe io misy trano iray dia niraraka teo ny lasantsy. Tsy hitondra afokasoka handrehitra izany mihitsy ny olon-kendry. Toy izay koa ny eto amin’ny firenena. Misy tsy mety eto fa mila mitandrina aloha mba tsy hanaotao foana. Aoka tsy handrirotra fa mandoro ny firenentsika. An-davanandro fa tsy anaty fotoam-pifidianana ihany no ilana iainana ny fihavanana. Afaka mifaninana ny malagasy saingy misy ilay fitenenana hoe ataovy toy ny adilahin’ombalahin’ny mpianakavy, hoy hatrany ny tenany.
J. Mirija

 

 

 

Dans la même rubrique

13-juin-2024

Matoa ny olona nisoratra anarana tanaty lisi-pifidianana, hoy ny antoko politika FLN na Front de libération national,

Card image cap
13-juin-2024

Isak’izay mihetsika izao dia mifampiapanga lava isika malagasy hoe mpangalatra,

Card image cap
13-juin-2024

Ny ampitson’ny famoahana vokatra vonjimaikan’ny fifidianana solombavambahoaka nataon’ny CENI omaly.

Card image cap
13-juin-2024

Eo am-piandrasana ny voka-pifidianana raikitra avy amin’ny HCC,

Card image cap
12-juin-2024

Toerana 163 no hiadiana ao Tsimbazaza, ka 79 ho an’ny IRMAR manome ny salan’isa 48,47%,

Card image cap
12-juin-2024

Nivoaka tamin’ny fahanginany omaly ireo solontenan’ny mpanohana ny kandida solombavambahoaka tao Ambatofinandrahana, Christine Razanamahasoa.

Card image cap