filankevitry ny fampihavanana malagasy teo aloha sady mpitarika ny hetsika fivoizana fihavanana hoe Kianja Maitso, Gérard Ramamimampionona. Zava-dehibe ho an’ny vahoaka malagasy, mpanao politika, eo anatrehan’izao tontolo izao, hoy izy, ny famoahana izany. Mitaky fiomanana be dia be izany eo amin’ny lafiny lalana, politika, rehetra. Heverina fa tafiditra ao anatin’izao fiverenan’ny filoham-pirenena teo aloha, Hery Rajaonarimampianina, izao satria mila mipetraka 6 volana mialoha eto fara fahakeliny izy raha te hilatsaka ho fidiana. Raharahantsika mianakavy hikendrena zava-tsoa eto amin’ny firenena ny fifidianana. Aoka tsy ny fifidianana no ho loharanona korontana eto amin’ny firenena! Sanatria hoe akaiky ny fifidianana dia hifanilikilika, hifamingapingana, hifandratrandratra. Hikendrena zava-tsoa ny fifidianana ka aoka tsy ho zava-dratsy no ho hita mialoha na aoriany! Izay no antony hanaovanay ilay Kianja maitso mba ho Madagasikara iray manontolo no ho lasa Kianja maitso lehibe hanjakan’ny teny ierana, ny fifampihainoana, ny fifanomezan-tanana, fampanjakana ny fahamarinana ho fampandraisana anjara amin’ny fanarenana azy indray mba hiankin-doha amin’ny tena malagasy ny firenentsika. Miainga amin’ny fo sy fanahy ny korontana sy filaminana ka samia manana fo feno fiadanana mba hampanjakana ny filaminana eto amin’ity firenena ity, hoy hatrany ny tenany.
J. Mirija
Mankahery ny vahoaka malagasy manoloana ny zava-misy ankehitriny
Nisy omaly 27 martsa takariva ny karazana fandaharana sy fanambarana nataon’ny PAN.
Ankoatra ny fitoriana mba hanonganana tsy ho depiote ny Filohan’ny Antenimierampirenena Rtoa Christine Razanamahasoa,
Nidoboka am-ponja ao Antanimora efa tapa-bolana izao Atoa JR lehiben’ny faritra Analanjirofo tamin’ny fitondrana Rajaonarimampianina,
Misedra olana marolafy ny firenena na ara-politika na ara-toekarena na ara-tsosialy!
Manamafy ireo mpikatroka ifotony ao anatin’ny Antoko TIM ao anatin’ny distrikan’Avaradrano,