airtel

Politique

07-nov-2022

Politique

Governemanta Ntsay Ovaina mampiozongozona, avela mahabe vatan’orona

Sample post image

Tompon’andraikitra voalohany amin’ny fahombiazana na tsy fahombiazan’ny Fanjakana ankehitriny ny governemanta tarihin’ny Praiminisitra Ntsay Christian.

07-nov-2022

Tena mahomby sy mahavita azy ka hahatonga ny olona hifidy an-dRajoelina amin’ny 2023 ve ny governemanta? Tsia avy hatrany no valiny amin’ny ankampobeny. Betsaka ny zavatra tsy voafehy sy tsy mandeha. Maro ny olona toa efa tsy mahavita na tsy voafehy intsony ao anaty Governemanta ka manao izay tena tiany. Raha hisy ny fanovana sy fikitihana dia hiditra amin’ny fanineniny tao anatin’ny 4 taona. Mety io no fanovana betsaka indrindra tao anatin’ny 60 taona. Na tian’ny Filoha na tsy tiany, toa efa betsaka ny manao izay tiany na tsy hitan’ny karatra firy intsony ao anaty governemanta, fa mety mampitombo ny ambaindain’ny fananany sisa. Misy minisitra manana andraikitra goavana amin’ny fandraisantsika hetsika lehibe iraisam-pirenena amin’ny taona 2023 saingy tsy hita popoka. Ireny niaraha-nahita ireny ny fisiana minisitra nesorina noho izy voalaza fa nanao izay saim-pantany tamin’ny safidy diplaomatika goavana nitondrana ny anaran’I Madagasikara. Iray volana latsaka taty aorian’ny nanesorana ny Minisitry ny raharaham-bahiny Atoa Richard Randriamandranto, mbola mpisolo toerana no mitantana ny Minisiteran’ny raharaham-bahiny kanefa zavatra stratejika be sy mariky ny fiandrianam-pirenena. Endriky ny tsy fahamatoran’ny Fanjakana. Misy minisitra ahiana ho tompon’antoka tamin’ny fanjavonana volamena 36kg tao amin’ny departemanta notantaniny teo aloha, saingy mbola nomena minisitera hafa, ary tsy sahin’ny filoha kitihina. Misy minisitra hatry ny ela no manaratsy endrika ny Fanjakana manontolo, saingy tsy voahozongozona,… Inona no tsy hahasahian’ny Filoha mikitika sy manova izay tsy mahomby sa dia tena mahomby 100% ireo? Araka ny filazan’ny mpandinika politika, matahotra ny Filoham-pirenena satria mety hitombo ny fahavalo politika ary hitombo ny tsy fahamarinan-toerana raha mbola hanaisotra olona, ka aleo miaina amin’ny zava-misy. Isan’ny fandre matetika mikasika ny governemanta ihany koa moa tany aloha ny hoe: misy “quota”, misy mandoha “ekolazy” ka sao dia izany tokoa no tena manahirana? Raha haravona dia hoe: “ovaina mampiozongozona, avela mahabe vatan’orona”.
Toky R
 

Dans la même rubrique

28-mars-2024

Mankahery ny vahoaka malagasy manoloana ny zava-misy ankehitriny

Card image cap
28-mars-2024

Nisy omaly 27 martsa takariva ny karazana fandaharana sy fanambarana nataon’ny PAN.

Card image cap
28-mars-2024

Ankoatra ny fitoriana mba hanonganana tsy ho depiote ny Filohan’ny Antenimierampirenena Rtoa Christine Razanamahasoa,

Card image cap
28-mars-2024

Nidoboka am-ponja ao Antanimora efa tapa-bolana izao Atoa JR lehiben’ny faritra Analanjirofo tamin’ny fitondrana Rajaonarimampianina,

Card image cap
28-mars-2024

Misedra olana marolafy ny firenena na ara-politika na ara-toekarena na ara-tsosialy!

Card image cap
28-mars-2024

Manamafy ireo mpikatroka ifotony ao anatin’ny Antoko TIM ao anatin’ny distrikan’Avaradrano,

Card image cap