Hafahafa ihany a !

hoy ny antoko politika Otrikafo, naneho ny heviny mikasika ny fahitany ny fangatahan’ireo kandida miisa 11 hanao famoriam-bahoaka etsy amin’ny kianjaben’i Mahamasina ny zoma izao! Fantatsika, hoy ny sekretera jeneralin’izy ireo, Elia Rabevahiny, fa efa nandalo fitondrana na “régime” maromaro ilay prefe. Fantatsika ihany koa ny fanaony teo amin’ny fanomezana na tsy fanomezana alalana sy filalaovana andinin-dalàna isan-karazany. Efa tena sarotra amin’ity indray mitoraka ity ny toe-javatra iainan’ny firenena ka tsy tokony hasarotina ilay izy. Fotoana iray io ahafahan’ny prefe maneho fa olon’ny filaminana izy fa raha sanatria hoe fivoriana anaty efitrano no tsy omena alalana dia samy mametra-panontaniana ny rehetra hoe iza izany no tena mitady savorovoro eto amin’ity firenena ity, hoy hatrany ny Otrikafo?
J. Mirija