Hetsiky ny mpitondra fivavahana

vavaka ho an’i Madagasikara notontosain’ny HMF na Hetsiky ny mpitondra fivavahana tetsy Antsahamanitra omaly. Ny teny tao amin’ny Baiboly ao amin’ny Jeremia 20:7-10 no noraisiny ary mivaky manao hoe “Jehovah ô, notaominao aho ka voataona. Nosamborinao aho ka resinao.". Mila Jeremia ny firenena hijoro, hoy ity mpitandrina ity. Mila Jeremia hananatra sy hiteny. Aza mangiana! Mila Kristianina mijoro. Tsy voatery hitovy ny safidy. Samy manana ny tiany. Tandrovy ny fihavanana! Aza mifankahala! Mifampiantà! Ialao ny herisetra! Manaova ny marina, samy isika malagasy ihany eto Madagasikara! Isika Kristianina mila mijoro ho fahazavana. Aza manaiky hozarazaraina! Soa iombonana no katsahina sy tadiavina. Hafatra ho an'ny mpitondra, olom-boatendry, olom-boafidy, vahoaka. Ny hendry ihany no anarina. Aza manao fanahiniana manao tsy mety! Mijoroa ho ray aman-dreny alain-tahaka! Mila mitandrina ianareo! Hajao ny tsy fitovian-kevitra sy demokrasia! Aza tampenam-bava ny ankizy! Aza manao fijery mitanila ho an'izay miezaka mandamina! Mila tomponandraikitra tahaka izany ny firenena! Miezaha mba ho tena solontenan'Andriamanitra! Ho an'ny mpanao politika, mifampiresaha, mifandamina, aza mifampiziriziry! Mifanatona, mifampiresaha! Izahay mpitondra fivavahana tsy hangina fa hiteny, hamotsipotsitra ny tsy fanarahan-dalana isan'andro isan'andro. Mila Jeremia ny firenena hananatra sy hiteny, hoy hatrany ny HMF.
J. Mirija