airtel

Politique

28-févr-2024

Kajy politika

Minisitra maromaro mety ho kandida depiote…

Sample post image

Efa tafiditra anatin’ny hazakazaky ny fifidianana depiote isika amin’izao

28-févr-2024

fotoana izao, ary io no isan’ny handanian’ny mpitondra ron-doha ankehitriny. Tao anatin’ny fanolorana ireo mpikamban’ny governemanta ny 14 janoary, dia efa niresaka ny fifidianana depiote hikendreny ny maro an’isa ny Filoham-pirenena. Teo no efa nivoaka ny petra-kevitra fa mety ho governemanta hanomana fifidianana aloha izany ny tena fanamby, ka mety afaka 6 volana dia hisy fiovan’endrika. Nandeha ny resaka fa mety hirotsaka kandida depiote ny Praiminisitra ary hapetraka ho Filohan’ny Antenimierampirenena ? Hatreto aloha, misy tokoa ny anarana mpikamban’ny governemanta re siosio fa mety ho kandida depiote, ka andrasana hoe : ho izay tokoa ve ny ho fipetrany sa hanao ahoana ? Anisan’ireny ny anaran’ny Minisitry ny fanabezam-pirenena Rtoa Sahondrarimalala Marie Michelle izay mety ho kandidan’ny volomboasary ao Fianarantsoa renivohitra. Ny MAPAR sy ny UPAR tao an-toerana izay toa nifanasa vangy saingy mety hikisaka any Ikalamavony sy Ifanadiana izany Atoa Pety Rakotoniaina sy ny ry Governora am-perin’asa izay samy miezaka mampiseho fa tompon’ny tanjaka politika ao an-toerana sy nifofotra nampandany an-dRajoelina. Anarana re fa mety ho kandida depiote ihany koa ny Minisitry ny fampianarana ara-teknika sy ny fanofanana arak’asa Rtoa Lalatiana Rakotondrazafy izay Filoha mpanorina ny Antoko Freedom, ka ao amin’ny Distrikan’i Faratsiho na Antsirabe I no mety hirotsahany raha ny resaka mandeha. Ity Antoko ity izay efa manana depiote iray ao Tsimbazaza. Re siosio ihany koa fa mety ho kandida any amin’ny Distrikan’i Sambava ny Minisitry ny atitany Atoa Tokely Justin, izay efa governoran’i SAVA tany alohan’ny nanendrena azy ho Minisitra tamin’ny taom-piasan’ny Filoha talohan’izao. Ireo ny anarana minisitra am-perin’asa isan’ny re siosio fa ho kandida, ka andrasana izay ho fisehony hoe : ho tonga amin’izay tokoa ve ? Andaniny mantsy dia misy ilay fanamby 100 andron’ny governemanta ka tena io ve no laharam-pahamehana sa fifidianana depiote ? Ankoatra izay dia misy amin’ireo minisitra tsy tafaverina anaty governemanta ihany koa mety hatao kandida, ka anisany efa nanambara ny firotsahany any Fandriana ohatra ny Minisitry ny angovo teo aloha Atoa Lanto Rasamoelison ,…

SARY EFA NITRANGA…
Hanao izay fomba rehetra hahazoana ny maro an’isa eny Tsimbazaza, mba hananana fahamarinan-toerana ny etamazaoro politikan’ny mpitondra, ka mandeha ny kajikajy samihafa. Eny fa na io anto-bola 20 tapitrisa Ar io aza dia betsaka no mandika azy ho fanintsanana kandida. Efa iny nitsipalotra iny ny filazana fa 120 amin’ny 151 ny toerana kendren’izy ireo ao anatin’izany. Toa mampahatsiahy ilay zava-nitranga nialohan’ny fivoahan’ny valim-pifidianana depiote tamin’ny 2019, izay nilazan’i Andry Rajoelina nialohan’ny fotoana, fa mahazo toerana depiote 83 ny antokony. Mandeha ny endrika ady an-trano samihafa ho an’ireo samy mpanohana satria te hisalotra ilay lokom-pitondrana mba hananana herijika kokoa. Any mantsy ny vola, any ny fahefana, ary ny rafitra mpikarakara sy mpitsara ny fifidianana aza dia hatry ny ela no tratry ny fiampangana ho miandany amin’ny mpitondra. Lojika ve anefa ny ho fahazoan’ny volomboasary maro an’isa raha tena fifidianana madio eo anatrehan’ny fahadisoam-panantenan’ny vahoaka sy ny fihemoran’ny firenena ?
Toky R
Légende : Anarana anisan’ny re siosio fa mety ho kandida depiote ny an’ireto minisitra telo ireto
 

Dans la même rubrique

16-avril-2024

Anio 16 aprily 2024 no hamoahan’ny Fitsarana avo momba ny lalàmpanorenana na

Card image cap
16-avril-2024

Isan’ireo antoko nanapa-kevitra handray anjara amin’ny fifidianana ny antoko politika Otrikafo

Card image cap
16-avril-2024

Mbola misy ny antsojay amin’ireo tsy ao anatin’ny antoko politika miaraka amin’ny fitondrana

Card image cap
16-avril-2024

Mitohy hatrany ny fitetezana ireo kaominina mandrafitra ny distrikan’Avaradrano tanterahin’ireo Kandida Solombavambahoaka

Card image cap
15-avril-2024

Ny sabotsy 13 aprily teo tetsy amin’ny Espace Fenitra Merimanjaka no nitondrana am-bavaka sy nanolorana ofisialy

Card image cap
15-avril-2024

Noraisina tamin’ny fomba ofisialy tetsy amin’ny Olympia Ampitatafika ny sabotsy

Card image cap