airtel

Politique

05-déc-2023

Krizin’Andrim-panjakana

Mety tsy hisy ny fihaonan’ny depiote sy ny governemanta…

Sample post image

Ny 15 desambra izao no hifarana ny fotoam-pivoriana ho an’ny solombavambahoaka.

05-déc-2023

Ankoatra ny fandinihana sy fandaniana ny volavolandalana lasitra misahana ny tetibolam-panjakana na PLF izay efa nolanian’ny depiote 60 mehery kely teo, dia endrika isehoan’ny hatramin’izay amin’ny fotoana famaranana izany ny fanaovan’ny governemanta tatitra sy hametrahan’ny olom-boafidy fanontaniana amin’ny mpanatanteraka. Mbola baraingo anefa ny hisian’io, raha ny loharanom-baovao avy etsy Tsimbazaza. Takian’ny solombambavambahoaka anefa ny fanaovana jery todika ny fifidianana eo anatrehan’ny ahiahina hosoka, mba hanarenana ny fifidianana. Tahaka izany ihany koa ny fanaovana jery todika ny asan’ny fitondram-panjakana tao anatin’ny 5 taona sy tao anatin’ny heritaona farany, ireo fampanantenana tsy tanteraka,… Betsaka ireo fampanantenana tahaka ny Tanamasoandro, Fly Over, ny lalambe migodana Antananarivo-Toamasina izay manodidina ny 260km izay nambara fa ho vita hatramin’ny faran’ity taona 2023 ity ny 80km,… Mby aiza ny fahavitan’izany izay efa nisy sora-bola 300 miliara Ar? Manao ahoana ny fikojakojana ny làlana izay tapitra potika sy ny maro hafa? Andrasana na mbola hisy ihany na tena tsy hisy intsony ity tatitra ity. Endrika maneho sy manamafy, fa mbola mitoetra ny krizin’Andrim-panjakana eo amin’ny mpanao lalàna sy mpanatanteraka efa herintaona katroka izao. Raha miverina amin’ny tantara, dia herintaona katroka tahaka izao no nisian’ilay fehin-kevitra fitsipaham-pitokisana ny governemanta nataon’ny Antenimierampirenena, izay nisiana taratasy manamafy ny tsy fanjariam-pitantanana maro : kolikoly, fandikan-dalàna, tsy fanajana ny fisaraham-pahefana, tsy fahafehezana ny olana ara-tsosialy, fiakaran’ny taham-pahantrana,… Natsefotra tao anatin’ny tsy ara-dalàna anefa izany, ary nisian’ilay resaka fa nampitomaniana teny amin’ny Foiben-toeran’ny Antokon’ny Fitondrana ny Filohan’ny Antenimierampirenena Rtoa Christine Razanamahasoa. Mbola nanamafy ny krizy ny fanonganana ireo Mpikamban’ny Birao maharitry ny Antenimierampirenana ny jona 2023, ka nanaovana latsa-bato naongana ny Filoha Brunelle Razafitsiandraofa, Jean Jacques Rabenirina, ary ny Kestora Mamy Rabenirina, saingy nitsefotra tsy nahazo ny 2/3 tamin’ny mpikamban’ny Antenimiera. Tsy nisy ihany koa ny fanintsiana ny volavolan-dalàna momba ny tetibolam-panjakana 2023 tamin’ny fivoriana nialohan’izao noho ny safidin’ny ngovernemanta,… Ankehitriny, io mandeha io indray ny resaka fa mety tsy hisy ny fihaonana eo amin’ny roa tonta. Asa mety misy ifandraisany amin’ireo lonilony samihafa ve ? Vao tato anatin’ny zotram-pifidianana rahateo no nenjehin’ny Governemanta ho vovonana mpanohitra mikotrika fanonganam-panjakana ny Vovonana mpanelanena tarihin’ny Filohan’ny Antenimieram-pirenena sy ny FFKM na PAN-FFKM.
HANAO AHOANA NY HO AVY ?
Mifamatotra ny mpanatanteraka sy ny mpahay lalàna na eo aza ny fisaraham-pahefana. Hanao ahoana ny fanendrena ny Praiminisitra aoriana ? Amin’izao aloha, dia mbola ny IRD no manana ny maro an’isa saingy efa ho tapitra ny taom-piasana. Ny andininy faha-54 amin’ny lalàmpanorenana no mamaritra fa ny vondrona parlemantera manana ny maro an’isa eo anivon’ny antenimierampirenena no manolotra anarana hotendrena ho Praiminisitra. Ho voatazon’ny Antokon’ny mpitondra ve ny fananana depiote maro an’isa ao Tsimbazaza? Hifaninana ao anatin’io ve ny mpanohitra ?
Toky R

 

 

 

Dans la même rubrique

28-févr-2024

Eo amin'ny laharana faha-220 amin'ny tanàn-dehibe 241 eran-tany

Card image cap
28-févr-2024

Efa tafiditra anatin’ny hazakazaky ny fifidianana depiote isika amin’izao

Card image cap
28-févr-2024

Tsy haiko hoe azon’inona ireto vahoaka malagasy ireto,

Card image cap
27-févr-2024

Mitohy sy miitatra ny endrika ady seza sy savoritaka ao anatin’ny vovonan’Antoko

Card image cap
27-févr-2024

Niaraha-nahita tamin’ny fifidianana filoham-pirenena farany teo moa

Card image cap
27-févr-2024

Non promulgation des lois» na tsy fankatoavana fampiharana lalàna no nentina

Card image cap