Lapan’i Tsimbazaza

omaly tetsy Tsimbazaza ireo depiote vaovao solon’ireo naongana sy tsy eo: Sylvain Claude Emily, distrikan’Isalo; Heriniainatia Solofomanana, Mahajanga I; Maharanty Rakotonandrasana Jean de Dieu Toliary I; Manako Gerum Analalava; Mena Edvin Mitsinjo; ary Randrianarison Rivo Setra Soavinandriana. Tsy mbola tazana tao Tsimbazaza kosa tamin'ny fanombohan'ny fivoriana tsy ara-potoana omaly i Naivo Raholdina, depiote voafidy tao amin'ny boriboritany faha 5 sy Lanto Rakotomanga izay ny depiote ny boriboritany faha 2. Izy ireo izay samy solombavambahoka am-perin'asa avokoa. Voalaza fa nandefa taratasy kosa i Augustin Andriamananoro, ka tao anatin’ny taratasy izay nalefany dia nambarany fa tsy eto an-toerana ny tenany amin'izao fa kosa manohana izay fanapahan-kevitra ao anatin'izao fivoriana tsy ara-potoana izao, hoy ny tati-baovao. Voalaza fa naneho ny fialan-tsiny noho io tsy fahatongavany io ity depiote ity. Ity farany izay nitsoaka an’i Madagasikara rehefa nandeha ny raharaha mikasika azy, izay nahiana ho nikotrika korontana, ankoatra ny dosie samihafa. Tonga izany ry Bevata sy ny namany, fa mbola tsy nipoitra kosa ry Naivo Raholdina sy ry Lanto Rakotomanga, 6 volana latsaka taorian’ny nionganan’ny fitondrana Rajoelina. Rtoa Lanto Rakotomanga efa tazana nanatitra fanampiana tetsy amin’ny BNGRC ihany fa ny depioten’ny Boriboriborintany faha-5 tsy nipoitra intsony. Mbola misitraka feno ny tombotsoa maha depiote satria mbola tsy nisy didin’ny HCC manamarina fahabangan-toerana !?

Toky R