tia tanindrazana

Parution du Mercredi, 10 Août 2022

airtel

Politique

Lonilony ao anaty Governemanta Alentiky ry Lalatiana R. i Andry Ramaroson

Na teo aza ny fanambaran’ny Ofisim-pirenena momba ny akoran’afo na OMH fa ampy ny tahirin-tsolika, ary miverina ny famatsiana ho an’Antananarivo, Antsirabe, Fianarantsoa, dia mbola nilaharana ihany ny toby sasany teto Antananarivo omaly maraina satria tsy nahitana ny sasany.

04-août-2022

Sample post image

Nitantadahatra ireo taksibe sy ny taksibrosy ary ny fiara tsotra. Nanaitra kosa ny fanehoan-kevitra tao amin’ny pejim-baovaon’ny orinasan-tseraseran’ny Minisitry ny serasera sy ny kolotsaina Rtoa Lalatiana Rakotondrazafy omaly mikasika io fisian’ny olana sy fikorontanan’ny famatsiana solika io. “Saika tsy ahitana gazoala ny tobim-pamatsiana solika na “stations services” rehetra manerana renivohitra nanomboka tamin’ity maraina ity. Ny OMH efa manambara fa ampy tsara ny tahirin-tsolika (lasantsy sy gazoala) manerana an’i Madagasikara. Inona izany ilay olana?”. Izy ireo ao anatin’ny Fitondrana indray no manontany hoe: inona izany ilay olana ka somary mahagaga? Rehefa tena dinihina lalina, ahitana taratra ny fikotorontanana sy ny fifaminganana ao anaty Fanjakana io, karazan’ny famelezana ankolaka sy fanitsohana ary fandetehana ny Minisitry ny angovo sy ny akoran’afo sy ny ekipany ho tsy mahavita ny asany. Ny Ofisim-pirenena momba ny akoran’afo rahateo, dia eo ambany fiahiahian’ny Minisiteran’ny angovo sy ny akoran’afo. Efa niaraha-nahita hatrizay ary efa vaky ambatolampy ny tsy fifankahazoana teo amin’ny minisitra ankehitriny Atoa Andry Ramaroson sy ny Sekretera jeneralin’io minisitera io teo aloha Atoa Andry Andriatongarivo, izay vadin’ny minisitry ny serasera. Miharihary ny mbola fisian’ny lonilony, ka raha fiombonan’ny governemanta na “solidarité gouvernemantale” no tokony hiseho amin’izao fotoan-tsarotra sy olana mianjady amin’ny mpitondra izao, dia toa karazana fifaminganana sy fifanitsohana ary fitarihana ny olona hitora-bato sy hanenjika ny minisitera hafa no toa miseho ankehitriny. Ny samy ao anaty governemanta no mifanontsana fa tsy mifampiaro. Ny ao anatiny aza mifamely ka inona intsony moa no azo antenaina amin’ity Fanjakana ity ?
Toky R
 

Dans la même rubrique

Card image cap
Andry Rajoelina Jamba amin’ny fahoriam-bahoaka…
10-août-2022

Hafahafa hatrany ny politikam-pitantanana asehon’ny Fanjakana Rajoelina. Miankina amin’ny tombotsoa politika ny laharam-pahamehana,

Card image cap
Jerry Rakotoarijaona “Tsy misy mazia ny famonjena firenena”
10-août-2022

Sarotra ny miresaka amin’izao fotoana izao, hoy ny filohan’ny fikambanana Vahaolana anio sy rahampitso, Jerry Rakotoarijaona,

Card image cap
Dr Ignace Randriamamizafy “Ny krizin’ny toekarena sy sosialy no lasa rotaka politika”
10-août-2022

Diso tanteraka ny hoe: hanongam-panjakana ny mpanohitra raha mamory vahoaka etsy amin’ny Kianjan’ny Magro, ary tsy hisy Fanjakana hiongana amin’ny resaka kabary fotsiny izany satria maneho ny heviny sy ny fahitany ny

Card image cap
Vovonan’ny tanora mpitolona tia tanindrazana “Hafahafa ny fanambaran’ny GEN”
10-août-2022

Ny vovonan’ny tanora mpitolona tia tanindrazana na JPRM dia tena manara-baovao ary mijery sy miaina ny raharaham-pirenena misy eto Madagasikara, hoy ny mpikambana ao aminy, Rivellino Ravelomahazo.

Card image cap
Diplaomasia Miharendrika hatrany ny Fitondrana
10-août-2022

Mihasarotra hatrany ny toeran’ny Fitondrana Malagasy na ho an’ny politika anatiny na ny ivelany. Ny ato anatiny, ambony ambany, tsy misy politikam-pitantanana anatiny tsy mazava,

Card image cap
Fanjakana Rajoelina "Tsy mahay, tsy manaiky ho diso mihitsy..."
09-août-2022

Manana ny fahaiza-manaony sy ny nampiavaka azy ny Filoha ankehitriny Andry Rajoelina, manana ny tantaram-pahombiazana ara-piainana na “success story” izay nideran’ny maro azy izy,

Voir plus