Politique

fa eo ihany koa ny resaka toromarika sy fanentanana ara-pifidianana. Hanao fihaonambe ao amin’ny Espace Ambanivohitra Morima rahateo ny TIM ao anatin’ny Faritra Menabe rahampitso sabotsy 15 aprily. Nisy tamin’ireo nandray azy tany an-toerana no naneho ny fihetseham-pony nitaraina tamin-dranomaso tamin’I Marc Ravalomanana hoe: “mijaly izahay dada a! Miverena dada a!” Tao ny naneho ny hafaliany,... “Tsy ho ela aho dia ho avy, aza matahotra, ary isika indray no hamelona ny fanantenan’ny Malagasy ao anatin’izao fahantrana lalina izao”, hoy I Marc Ravalomanana. Namory ireo mpitarika ny TIM any an-toerana ihany koa moa ity Filoha teo aloha ity, nifanomezana toromarika momba ny fifidianana. Naneho izy ireo fa nahitana tsy fahalavorariana ny fanavaozana manontolo ny lisi-pifidianana. “Raha vao tsy voasoratra ao anatin’ny lisitry ny mpifidy dia tsy afaka handatsa-bato, tsy afaka hofidiana, tsy afaka hanao mpikamban’ny birao fandatsaham-bato, tsy afaka hanara-maso sy hanao fitarainana raha misy tsy mety,...”, hoy io Filoha teo aloha io nanentana. Nampahatsiahy fa efa nanapa-kevitra sy nanao antso avo ho an’ny vahoaka Malagasy rehetra ny FFKM, mba hanao ny maha zava-dehibe ny maha olom-pirenena, hiady fo ho voasoratra anarana, ka anjaran’ny rehetra no mijoro, hanamarina ny anarana, handray andraikitra. Nambaran’I Marc Ravalomanana ihany koa tetsy andaniny, fa misy ny hafetsena sy ny fikasan-dratsy kasaina hatao, ka nampitan’ny TIM fa ny fifidianana madio ihany no antoka hisian’ny filaminana sy fampandrosoana eto Madagasikara. Tsara ny manamarika sy mampahatsiahy, fa iray amin’ireo faritra nahazoan’I Marc Ravalomanana isan-jato ambony noho ny azon’I Andry Rajoelina ny faritra Menabe tamin’ny fifidianana Filoham-pirenena ny taona 2018 nifanandrinan’ny roa tonta, ary mikasa ny mbola hitazona izany ny TIM amin’ny fifidianana manaraka eo. Mbola hiverina ve ny sary tany aloha sa mety ho hafa mihitsy ny sary politika amin’ny fifidianana manaraka eo noho ny antony maro?
Toky R