airtel

Politique

12-sept-2023

Na nivoaka aza ny laharan’ny kandida

Mampiaka-peo sy mitaky fitoviana lenta ny mpifaninana

Sample post image

Na eo aza ny fahavonan’ny kandida, mbola mitoetra ny ahiahy politika.

12-sept-2023

Isan’ny notsipihin’Atoa Patrick Raharimanana solontenan’ny Kandidan’ny FTT Tahina Razafinjoelina teny amin’ny CENI ohatra omaly ny sakantsakana sy tsy fampitoviana tantana ny kandida. Anisan’izany ny fanamorana ny Fampidirana angidimby na “hélicoptère”, izay tsy tokony hitsabahan'ny Fiadidiana ny Rapoblika, izay fantatra fa ny mpiara-miasa rehetra ao dia notendren'ny iray izay kandida, ary teo imason’ny filoha teo aloha mihitsy no nanaovany izany. Tahaka izany ihany koa ny famaritana ny fepetra itovizana amin'ny “pré-campagne” izay tsy misy lalàna mazava, ka samy afaka hamory vahoaka fa tsy ny sasany mahazo manao, ny sasany vokisana grenady lakrimozenina; ny fahafahan'ny kandida rehetra hiteny sy handray anjara malalaka ao amin'ny haino aman-jerim-panjakana TVM sy RNM. Fampiasana ireo fotodrafitrasa famoriam-bahoaka, toa ny stade Barea, Mahamasina, Atsonjombe izay mbola miankina daholo amin'ny Fiadidiana ny Repoblika. Misy ihany koa ireo kandida sy solontenana kandida hafa nanamafy ny endrika fitanilana sy tsy fanarahan-dalàna, toy ny Solontenan’ny HVM Atoa Alain Désiré Rasambany izay naneho momba ny fanapahana nitsipahana ny fitoriana nataon’ireo kandida maromaro sy ny famelana ny filoha teo aloha Andry Rajoelina izay mizaka ny zom-pirenena vahiny ka nahavery ny maha Malagasy, ka noraisia ny fanontaniana,… Hiteraka filaminana ve ny fanapahana ho antsika mahakasika ny zotram-pifidianana eto? Raha tiana hitovy tantana sy hitovy zo ny kandida rehetra dia takianay ny hanafoanana ilay naoty navoakan’ny Minisiteran’ny Atitany izay mandrara ny fivoriana ankalamanjana na antoko politika na Fikambanana na olon-tsotra, hoy izy. Ny kandida Andry Raobelina ihany kosa naneho, fa tsy tomombana ny raharaham-pifidianana, ary isan’ny naneho fa tsy tokony hisy ny mizana tsindrian’ila toy ny hoe: na samy mampiasa na samy mampiasa angidim-by. Efa nisy aza, hoy izy, ny soso-kevitra hoe: aleo ary misintona ny firotsahan-kofidiana isika kandida ireo dia avela ataony irery, saingy mety hisy kandida hafa tsy hanao izany. Tonga hatramin’ny hoe: andao tsy hanatrika ny antsapaka, saingy hataony foana io, ka ny hany isan’ny himasoana amin’izao dia ny fanentanana ny olom-pirenena havitrika handray anjara amin’ny fifidianana. Ampahany ihany ireo, sady miroso any amin’ny fifidianana izany isika, fa mbola mitoetra ihany koa ny ahiahy, ny fitakiana fampitoviana lenta, fanajana lalàna,… Mila manaraka ny raharaham-pirenena ny rehetra, mila mandray andraikitra, ka hijery vina, fa tsy ho resin’ny fividianana vahoaka izay vidian-dafo!
Toky R/J Mirija

 

Dans la même rubrique

25-juin-2024

Feno 64 taona amin’ity 2024 ny niverenan’ny fahaleovantena an’i Madagasikara. 10 taona tao anatin’io no naha filoha an’i Andry Rajoelina

Card image cap
25-juin-2024

Tsy mihemotra, fa mitazona hatrany ny fijoroany hanao hetsika am-pilaminana eny ivelan’i Mahamasina rahampitso

Card image cap
25-juin-2024

Andro vitsy mialohan’ny fotoana heverina fa hivoahan’ny valim-pifidianana ofisialy avy etsy amin’ny HCC.

Card image cap
25-juin-2024

Vita 100% ny fampanantenana nataon’ny Ben’ny tananan’Ampitatafika Rado Ramparaoelina

Card image cap
24-juin-2024

Tsy ho ela ny fambarana amin’ny fomba ofisialy ny voka-pifidianana.

Card image cap
24-juin-2024

Ankoatran’ny fampanenoana lakolosy manoloana ny tsy fahatomombanan’ny fifidianana na koa hoe fahitana

Card image cap