Politique

hoy ny depiote, Naivo Raholdina. Tadidio, hoy izy, fa lany 100% tao amin’ny antenimieram-pirenena ny filohan’ny antenimieram-pirenena, Christine Razanamahasoa. Na ny depiote mpanohitra aza nifidy azy. Ilay mpanolontsaina io no tsy lany tamin’ny fifidianana solombavambahoaka. Ilay mamaky ady amin’ny depiote toy ireny ilay manimba sary. Aza adinoina fa ny depiote afaka manao fitsipaham-pitokisana, “motion de censure” na “motion d’empêchement”. Nitolona tamin’ny 2009 I ramatoa Christine Razanamahasoa. Matoa izy niteny an’ireny misy antony. Amiko ireny fanambaran’ny mpanolontsaina manokan’ny filohan’ny repoblika ireny dia fampiadiana ny antenimieram-pirenena sy ny fiadidiana ny repoblika. Miray hina foana ny depiote. Averiko ihany fa antony 2 no nanaovako sonia iny “motion de censure” iny. Hitako hoe tsy mendrika ny minisitry ny fitsarana sy minisitry ny mponina. Na mbola ho ataon’ny filoham-pirenena minisitra rahampitso aza anefa ny minisitry ny mponina dia mbola ho tohanako ny filoham-pirenena saingy tsy midika izany fa tsy ho tsikeraiko ilay praiminisitra rehefa hitako hoe tsy mety ny ataony. Misy mandainga ireny depiote milaza fa nangalarina ireny ny soniany. Tadidio fa manome baiko ny filoham-pirenena fa misy minisitra tsy manaraka ny baikony. Sarotra be izany handrava birao maharitra izany. Ataon’ny mpanolontsaina manokan’ny filoham-pirenena ahoana ny handrava an’ireo, hoy hatrany ny tenany.
J. Mirija