tia tanindrazana

Parution du Vendredi, 25 Novembre 2022

airtel

Politique

Namaly an-dRajoelina i Rakotovao “Ianareo no tena tompondakan’ny lainga…”

Namaly ny Filoham-pirenena Andry Rajoelina teo anatrehan’ny filazany fa "mpamitaka sy mpandainga izay mametraka vatofototra nefa tsy manatanteraka akory" ny Mpandrindra Nasionalin’ny Antoko HVM Atoa Rivo Rakotovao omaly. “Betsaka ireo velirano, toky sy fampanantenana nataonareo, toa lasa fitaka sy lainga marivo

12-sept-2022

Sample post image

tototra, ny teny mantsy toy ny salaka ka ianao miteny ihany no afatony”, hoy Atoa Rivo Rakotovao tao amin’ny tambajotran-tserasera. Notanisainy ireo fampanantenana maro nataon’Atoa Rajoelina ka nametrahany fanontaniana hoe: Aiza ny: Trano mora 50 000 isa? Tramway ? Îles Éparses miverina amin'ny Malagasy alohan'ny 26 jona 2019? Ambatondrazaka hatao mitovy amin’ny Paris (tena manabitika olona). Tahaka izany ihany ny famoronana sy fampananana asa isam-paritra, ny vidin'ny lavanila hatao avo telo heny, ozinina mpanao etanôla, CVO,... Drafi-pampandrosoana sy fanarenana ny toekarena mihiba (négatif) daholo ny tondrorefy na ny “indicateurs” rehetra, JIRAMA, AIRMAD SECREN, APMF, ACM ADEMA, GASCAR,... “Tsy misy tompoko ny làlana vita herintaona (io akory tsy kianja fampiandiana akoho !!!) fa ezaka mitohy ny fananganana fotodrafitrasa hitondrana fampandrosoana maharitra tsy mitanila, fa tsy petatoko sy tampi-maso fotsiny, hoy hatrany I Rivo Rakotovao. “Ny mametraka vatofehizoro tsy manao ny asa no mpandainga, hoy ianao, dia ianareo izany no “Champion”. Jamban'ny fankahalana ve ianareo, dia voatery manenjika sy manaratsy ary mandainga sa tsy matoky ny zava-bitanareo? Tsy aleo ve manetry tena fa mandalo ny zava- drehetra”, hoy Atoa Rivo Rakotovao tsy nihambahamba. Niantefa manokana tamin’ny Praiminisitra ihany koa Ato Rivo Rakatovao nampahatsiahy ny voalaza fa resaka sy fifanomezan-toky nataon’izy ireo, saingy tsy tena nohazavaony tamin’ny antsipirihany: “Andriamatoa PM Ntsay mitamberina, mipody ato an-tsaiko ny toky nataonao tamin'ny Filoha Rajaonarimampianina Jona 2018! Isika telo miralahy no teo. Ny Marina tsy mba maty. Efa mahazo honon-draha ny vahoaka Malagasy” hoy i Rivo Rakotovao. Manomboka mafimafy ny valin-kafatra politika eo anatrehan’ny fiteny sy fihetsika toa manambany sy miharo fihantsiana ataon’ny Fanjakana Rajoelina. Matetika toa mitady ho latsaka be any amin’ny zavatra mireferefa no hitondran’ny mpitondra azy.
Toky R
 

Dans la même rubrique

Card image cap
Eliace Ralaiarimanana “Hadio Antananarivo manomboka eto”
25-nov-2022

Nihaona tamin’ny ben’ny tanànan’Antananarivo, Naina Andriatsitohaina, aho anio (TTF: omaly), hoy ny mpanao politika Kristianina sady kandida ben’ny tanànan’Antananarivo teo aloha, Eliace Ralaiarimanana.

Card image cap
Fanjakana tia manenjika sy managadra Manivana moka fa mitelina rameva, tojo ny taolana…
25-nov-2022

Nanakoako ny fanambaran’ireo firenen-dehibe sy vondrona iraisam-pirenena omaly naneho fa manohana ny vahoaka Malagasy sy ny governemanta ary ny fiarahamonim-pirenena amin'ny ady amin'ny kolikoly,

Card image cap
Alain Andriamiseza “Rehefa mitarika fanorenana ifotony dia namanay”
24-nov-2022

Hiroso amin’ny fikaonandoham-pirenena izahay na iza vonona na iza tsy vonona, hoy ny mpanao politika, Alain Andriamiseza. Na iza hanao na iza tsy hanao, hoy izy.

Card image cap
Fikaonandoham-pirenena Raisina ao Antaninarenina rahampitso ireo volavolan-kevitra
24-nov-2022

Ho tohin’ny fanambarana ny 31 oktobra 2022 tao Bel’air sy ny tao amin’ny Soimanga Manakambahiny ny 14

Card image cap
Toe-draharaha politika mafana Tonga manao fakan-kevitra eto ny SADC
24-nov-2022

Manatanteraka iraka eto Madagasikara ny iraky ny Vondrona SADC nanomboka omaly 23 novambra hatramin’ny 28 novambra ho avy izao. Isan’ny heverina ho lehibe ao anatin’io ny resaka politika sy ny toe-draharaha mialohan’ny fifidianana.

Card image cap
Tsy azo atao ankamehana ny fifidianana “Mbola tsy mifampatoky isika malagasy
24-nov-2022

Nampahafantarina omaly tetsy amin’ny Le Pavé Antaninarenina ny fitsanganan’ny Hetsika iombonana ho fanarenana sy fanorenana ifotony an’I Madagasikara na H.I.F.F.I.M.

Voir plus