airtel

Politique

08-août-2023

Politique

Nampiaka-peo ny MMM “Tsy mendrika hanome lesona ny Praiminisitra”

Sample post image

Miantso ireo rafi-pitsarana handray ny andraikiny manoloana ny fizakan’ny filoham-pirenena ny zom-pirenena frantsay ny antoko politika Malagasy Miara-Miainga na MMM.

08-août-2023

Eo ihany koa ny fijerena ireo antotan-taratasin’ireo maniry ho kandida. Tokony ho malina ny fitsarana avo momba ny lalàmpanorenana, hoy ny MMM, amin’izao zotram-pifidianana izao. Miandry ny rehetra amin’izao ny tohin’ilay fitoriana sy izay ho fanapahan-kevitry ny fitsarana manoloana ny fizakan’ny filoham-pirenena ny zom-pirenena vahiny, hoy izy ireo. Tsy tokony avela amin’izao ity raharaha ity. Tokony ho olona vonona sy vanona no afaka mirotsaka sy hitantana ny firenena. Antony tokony haha malina ny fitsarana avo momba ny lalampanorenana. Andrasana arak’izany izay ho fanapahana horaisin’ireo fitsarana mahefa momba ity raharaha maha voasaringotra ny filoham-pirenena ity. Tsy ny praiminisitra mihitsy no hanome lesona ny antoko politika amin’ny fanajana ny fenitra sy ny rafitra demokratika eto Madagasikara, hoy hatrany ny MMM teny amin’ny foibe toerany teny Ankerana. Maro ny fanitsakitsahana lalàna nataon’ny fanjakana sy ny governemanta tarihiny raha tsy hijery afa-tsy ny tato anatin’izay 4 taona izay, hoy izy ireo. Namaly ny fanambarana nataon’ny praiminisitra Ntsay Christian tany Morondava ny 3 aogositra teo, izay niantso ny hanajana ny rafitra sy ny fenitra demokratika eto Madagasikara ny MMM. Diso raha ny lehiben’ny governemanta no hanome lesona momba izany, hoy izy ireo. Rafitra tokony hanara-maso sy handrindra ny serasera amin’ny haino aman-jery mandritra ny fotoam-pifidianana ny ANRCM ary tokony efa tany amin’ny fiandohan’ny septambra 2021 no najoro saingy nodian’ny governemanta tarihin’ny praiminisitra Ntsay Christian adino na tsy norarahiana tsotra izao. Porofo iray ahitana izay tsy fanajana sy tsy fahazakan’ny praiminisitra sy ny governemanta tarihiny ny demokrasia izay ihany koa ny famerana ny famoriam-bahoaka. Ankoatra ireo, ny tsy nanatanterahana ny “face à face” na ny fihaonan’ny governemanta sy ny parlemantera nandritra ny fivoriana ara-potoana farany teo, izay taratry ny fanitsakitsahana lalàna ataon’izao fitondrana izao na eo aza ireo andinin-dalàna maro milaza ny tsy maintsy hanatanterahana izany saingy iny nitadiavana fomba sy hevi-petsy samihafa iny. Isan’ny taratra ahitana fa tsy tsara toerana ny praiminisitra raha hanome lesona amin’izay fanajana ny fenitra demokratika izay manoloana ny fampiasany sy ireo olona eo ambany fifehezany ireo mpitandro filaminana ho herim-pamoretana. Hanaovana ramatahora amin’ny antoko mpanohitra rehefa hanatanteraka fivoriana, hoy hatrany ny MMM.
J. Mirija

 

 


 

Dans la même rubrique

17-mai-2024

Tsy nisy fitsabatsabahana nataon’ny vondrona eoropeanina loatra tamin’ny zava-nisy

Card image cap
17-mai-2024

Anisan’ireo nampanantenain’ny filoham-pirenena fa hananganana kianja manara-penitra ny ao Ankazobe.

Card image cap
17-mai-2024

Nivadika tanteraka ny rasa ao amin’ny distrikan’Ambatofinandrahana.

Card image cap
17-mai-2024

Efa manao izay tiany atao ny mpitondra fanjakana, hoy ny mpamakafaka, mpanao politika,

Card image cap
17-mai-2024

Niaiky hatrany ny Filoha Andry Rajoelina fa tena marary isika amin’ny lafiny angovo,

Card image cap
16-mai-2024

Hiakatra eo anivon’ny PAC na «Pole anti-corruption», izany hoe ny fitsarana miady amin’ny kolikoly,

Card image cap