tia tanindrazana

Parution du Vendredi, 25 Novembre 2022

airtel

Politique

Pimaso amin’ny mpamatsy vola Hiara-hiasa ny Minisiteran’ny vola sy ny Bianco

Notanterahina androany 27 septambra 2022 teny amin’ny Trano Fivorian'ny Plan Anosy ny famoahana amin’ny fomba ofisialy ny Politika Anatiny Iadiana amin'ny Kolikoly ho an'ny Ministeran'ny Toekarena sy ny Fitantanam-bola (MEF).

28-sept-2022

Sample post image

 

Nohamafisina tamin’ny fanaovan-tsonia fifanaraham-piaraha-miasa teo amin’ny Ministera sy ny Bianco izany. Maharitra telo (03) taona izao fifanaraham-piaraha-miasa izao, ka hifarana ny taona 2025 ary handalo tombana alohan'ny hanavaozana izany indray. Nanambara ny Tale Jeneralin’ny BIANCO Laza ANDRIANIRINA fa ady iaraha-manana ny ady amin’ny Kolikoly ary midika fahavononana sy fandraisana andraikitra feno izao hetsika ataon’ny Minisiteran’ny Toekarena sy Fitananam-bola izao. “Fitarihana faka tahaka izao ataonao izao” hoy izy nitodika tamin’ny Minisitry ny toekarena sy ny fitantanam-bola. Nilaza kosa ny Minisitra RABARINIRINARISON Rindra Hasimbelo, far aha tsy atao toy ny finoana arahana as any famongorana ny kolikoly dia ho zava-poana ihany. Nanazava moa ity Minisitra ity, fa ao anatin’ny fanadihadiana amin’izao hoe ohatrinona marina ny volam-panjakana very satria tena manimba ny fitantanam-bola ny kolikoly, ka izay no antony hanaovana ny fifanarahana amin’ny Bianco. Mifamatotra izahay satria manokatra varavarana amin’ny Bianco ahafahan’izy ireo mitsirika ny zava-misy eo amin’ny Minisitera, ahafahany mahazo ihany koa ny antontan-taratasy sy ny antontan’isa izay mety ilainy amin’ny fanatanterahana ny asany. Efa ireo Minisitera rehetra no nanao fifanarahana tamin’I Bianco. Tamin’ny herinandro, nisy olona tratra nanambaka ireo beantitra, naka vola tamin’ny anaran’ny Minisitera. Ny sampan-draharahan’ny hetra, haba, fadin-tseranana,… no isan’ny ahitana kolikoly betsaka, mampihena ny vola miditra amin’ny Fanjakana. Tsy vaovao intsony ny resaka kolikoly eto amintsika, mampiteny ny moana, ary matetika tsy voakitika ireo tena atidoha na “trondro vaventy”. Isan’ny mahakivy ny mpamatsy sy mpampiasa vola ireny, ka heverina fa isan’ny pimaso ataon’ny Fanjakana ihany koa itony fihetsika miseho itony.
Toky R

 

 

 

Dans la même rubrique

Card image cap
Eliace Ralaiarimanana “Hadio Antananarivo manomboka eto”
25-nov-2022

Nihaona tamin’ny ben’ny tanànan’Antananarivo, Naina Andriatsitohaina, aho anio (TTF: omaly), hoy ny mpanao politika Kristianina sady kandida ben’ny tanànan’Antananarivo teo aloha, Eliace Ralaiarimanana.

Card image cap
Fanjakana tia manenjika sy managadra Manivana moka fa mitelina rameva, tojo ny taolana…
25-nov-2022

Nanakoako ny fanambaran’ireo firenen-dehibe sy vondrona iraisam-pirenena omaly naneho fa manohana ny vahoaka Malagasy sy ny governemanta ary ny fiarahamonim-pirenena amin'ny ady amin'ny kolikoly,

Card image cap
Alain Andriamiseza “Rehefa mitarika fanorenana ifotony dia namanay”
24-nov-2022

Hiroso amin’ny fikaonandoham-pirenena izahay na iza vonona na iza tsy vonona, hoy ny mpanao politika, Alain Andriamiseza. Na iza hanao na iza tsy hanao, hoy izy.

Card image cap
Fikaonandoham-pirenena Raisina ao Antaninarenina rahampitso ireo volavolan-kevitra
24-nov-2022

Ho tohin’ny fanambarana ny 31 oktobra 2022 tao Bel’air sy ny tao amin’ny Soimanga Manakambahiny ny 14

Card image cap
Toe-draharaha politika mafana Tonga manao fakan-kevitra eto ny SADC
24-nov-2022

Manatanteraka iraka eto Madagasikara ny iraky ny Vondrona SADC nanomboka omaly 23 novambra hatramin’ny 28 novambra ho avy izao. Isan’ny heverina ho lehibe ao anatin’io ny resaka politika sy ny toe-draharaha mialohan’ny fifidianana.

Card image cap
Tsy azo atao ankamehana ny fifidianana “Mbola tsy mifampatoky isika malagasy
24-nov-2022

Nampahafantarina omaly tetsy amin’ny Le Pavé Antaninarenina ny fitsanganan’ny Hetsika iombonana ho fanarenana sy fanorenana ifotony an’I Madagasikara na H.I.F.F.I.M.

Voir plus