Politika sy sosialy Mbola ho voavidin’ny kizarazara ve isika?

nizara fanampiana sy sakafo ho an’ny traboina, dia mbola tsy afa-po ny fitondrana, ka ny Filoha mivady mihitsy no niditra an-tsehatra ny faran’ny herinandro teo. Nanetsehana fitaovana goavana toy ny fiaramanidina sy volabe ny ny fizarana zavatra. Tao Toliara I ny sabotsy, ary tany Toliara II omaly alahady. Vary 1 gony, menaka, siramamy, voamaina, lamba firakotra ary kojakoja isan-karazany ilaina amin’ny fiainana andavanandro. Nandeha ihany koa ny fizarana "kit solaire"isan-tokantrano. Nomena moto ihany koa ireo ben'ny tanàna izay nambara fa hahafahany manatanteraka ireo andraikitra nankinin’ny vahoaka. Eo amin’ny sehatry ny fahasalamana kosa dia efa tonga ao an-toerana ihany koa ireo "ambulances" ahitana fitaovana hary fomba natolotra ihany koa ho an’ny distrikan'i Toliara I, Toliara II, Beroroha, Ampanihy ary Morombe. Amin’ny lafiny fanadiovana dia nahazo fiara vaventy mpitatitra fako miaraka amin’ny "bennes" ny tanànan’i Toliara. Nanamafy ny fakana ny fon’I Toliara I Andry Rajoelina, ary ny sabotsy teo aza dia nilaza fa tsy miova ny fifandraisany amin’ny vahoakan’I Toliara satria nanao zavatra betsaka tao, izy raha ny nambarany. Hitombona ve izany raha kandida I Siteny Randrianasoloniaiko? Tena mbola resy lahatra amin’ny volomboasary ve I Toliara? Mandeha ny fizarazarana zavatra sy fakana ny fon’ny olona izay toa efa manana endrika propagandy. Mikasika ireo zavatra zaraina, misy no toa avy amin’ny mpiara-miombon’antoka, fa misy ny tsy mazava. Ireny moto sy jiro anaty baoritra volomboasary, volam-panjakana ve no nividianana an’ireny sa volan’ny Filoha madiodio? Mbola ho voavidin’ny kizarazara ve I Toliara sy ny Malagasy na ekena fa sahirana sy mahantra aza?
Toky R