airtel

Politique

11-oct-2022

Politique

Raharaha Mahery Lanto Manandafy Raikitra ny antso fanambaran-kery

Sample post image

Tsy voaray tao amin’ny Borigady misahana ny heloka bevava na ny BC Anosy ny fitoriana nokasain'ny vadin'i Mahery Lanto Manandafy hapetraka omaly.

11-oct-2022

Fitoriana noho ny fandrahonana ho faty nataon'ilay teratany vahiny iray tamin'i Malama. Nambaran'ireo polisy tokony handray ny fitoriana fa mila apetraka eny anivon'ny fitsarana izany. Heverina fa misy ny tsindry satria raha ny lojika, tokony ho azo noraisina tsara, ary ny dosie sy ny famotorana avy ao no isan’ny atolotra hiasan’ny fitsarana avy eo. Tsara ny mampahatsiahy, fa misy depiote sy mpitandro ny filaminana miasa eo anivon’ny Fiadidian’ny Repoblika notononin’I Mahery Lanto Manandafy. Sao mba isan’ny antony handrirarirana ny fitorian’I Mahery Lanto Manandafy? Tsy nandeha irery ny vadiny fa nisy ireo mpanotrona, nanao fanamiana maneho fa ao anatin’ny tolona izao, nanamarika izany ny loko mena,… Nisy ny fanambarana iraisana nataon’ireo vondron’olona maro tonga tetsy Anosy omaly naneho fa manameloka: ny fampidirana am-ponja ireo mpampaneno lakolosy, ny fandatsahan-dra sy ny fampiasana fitaovam-piadiana (basy, bala) hamonoana ny mpiray tanindrazana, ny fanitsahana ny zo fototry ny vahoaka hisitraka vaovao ary ny zon’ny tsirairay amin’ny fahalalahana miteny sy maneho hevitra. Mitaky fitsarana marina sy tsy mitanila eto amin’ny Tany sy ny Firenena fa tsy fitsarana ialokalofan’ny mpanambola sy ny tsimatimatimanota. Mitaky ihany koa ny fametrahana Fanjakana tena tsara tantana hanjakan’ny mangarahara ka hametraka ho laharam-pahamehana ny tamberin’andraikitra amin’ny vahoaka. Noho ireo rehetra ireo, mitaky ny famoahana tsy misy fepetra an’I Mahery Lanto Manandafy sy izay mpampaneno lakolosy nampidirina am-ponja vonjimaika noho ny famoahany vaovao tamin’ny tambajotran-tserasera izy ireo, ary tafiditra ao anatin’izany ihany koa I Stan’ley Ramarivelo. Niantso famondronan-kery avy amin’ny Malagasy sy ny herivelona rehetra tsy mankasitraka ny jadona sy ny tsimatimanota hiray feo sy fo aminay. Niantso ny fianakaviambe iraisam-pirenena hijery akaiky sy hanameloka ny raharaha ihany koa ireo rehetra tonga nanohana an’I Mahery Lanto Manandafy omaly.
Toky R
 

Dans la même rubrique

28-févr-2024

Eo amin'ny laharana faha-220 amin'ny tanàn-dehibe 241 eran-tany

Card image cap
28-févr-2024

Efa tafiditra anatin’ny hazakazaky ny fifidianana depiote isika amin’izao

Card image cap
28-févr-2024

Tsy haiko hoe azon’inona ireto vahoaka malagasy ireto,

Card image cap
27-févr-2024

Mitohy sy miitatra ny endrika ady seza sy savoritaka ao anatin’ny vovonan’Antoko

Card image cap
27-févr-2024

Niaraha-nahita tamin’ny fifidianana filoham-pirenena farany teo moa

Card image cap
27-févr-2024

Non promulgation des lois» na tsy fankatoavana fampiharana lalàna no nentina

Card image cap