airtel

Politique

13-févr-2024

Rajoelina lasa nivory any Dubai

Io indray ilay sehoseho ivelany tsy misy vokatra misongadina !

Sample post image

Tanterahana any Dubaï nanomboka omaly 12 febroary hatramin’ny

13-févr-2024

rahampitso ny Fihaonambe maneran-tany ho an’ny governemanta na ny WAM na World Governements Summit andiany faha-11. Fihaonana hiresahana ny fanamby ho an’izao tontolo izao ho an’ny ho avy. Hiresahana betsaka ny asan’ny governemanta hahitana vokatra mahomby kokoa eo anatrehan’ny olana sedrain’izao tontolo izao indrindra ny lafiny mahaolona, hanatsarana ny fiaraha-miasa sy ny fifandraisana eo amin’ireo governemanta samihafa maneran-tany. Hifantoka betsaka amin’ny fifanakalozana fahaiza-manao. Lasa any ny Filoha Rajoelina sy ny ekipany. « Hafaliana ho ahy ny mitondra ny feon'ny vahoaka Malagasy sy ireo vina napetrantsika izay miara-dalana tanteraka amin'ny haitao ara-kajy mirindra eto amineny World Governements Summit eto Dubaï. Miara-dalana tanteraka sy iankinan'ny fanatanterahana ireo vina napetrantsika ny fifehezana ny haitao ara-kajy mirindra. Voninahitra ho an'i MAdagasIkara ny maha-vahiny nasaina manokana antsika ary handraisako fitenenana manoloana ny fihaonambe rahampitso. Mahafaly ahy hatrany ihany koa ny mihaona indray amin'ireo filoha Afrikana rahalahiko toa ny filoha Paul Kagame androany », hoy i Andry Rajoelina. Vao miresaka Dubaï dia isan’ireo toerana hiondranan’ny harem-pirenena Malagasy betsaka indrindra, toy ny volamena. Zava-dehibe aloha amin’ny lafiny iray ny hoe : mandray anjara ny Malagasy amin’ny alalan’ny mpitondra azy, saingy ny fahitana azy hatreto dia ny fandraisan’anjara no zava-dehibe, ny volam-bahoaka no lany,… fa ny vokatra entin’ireny dia makany ivelany ireny tsy dia hita soritra amin’ny toekarena fa serasera manaka-danitra sy fandokafan-tena no betsaka raha tsy hilaza afa-tsy ilay hoe : « champion » amin’ny indostria ny Filoha Malagasy tany Vienne Autriche, « champion » amin’ny fanjarian-tsakafo, delegasionina efa ho 100 isan-taona manatrika COP na fihaonambe maneran-tany ho an’ny fiovaovan’ny toetr’andro fa tsy hita izay vokatra, ny resaka famatsiam-bolan’ny FMI sy Banky iraisam-pirenena izay mihisatra na zara raha misy mitete,… Indraindray toa mampiteny sary hoenti-maneho fa manga ny lanitra etsy sy eroa saingy vokatra entiny ho an’ny firenena aloha tsy dia hita.
TSY MAHAY MAKA LESONA
Ny Filoha Rwandais ohatra, dia tonga saina tao anatin’ny vanim-potoana nampahery vaika ny adin’i Ukraine izay nanamafy ny krizy eran-tany hoe : tena tsy rariny raha i Ukraine tsy misy afatsy mponina 44 tapitrisa no hamelona ara-tsakafo an’i Afrika izay misy mponina 1,4 miliara ka i Rwanda dia tsy maintsy mahavita tena ara-tsakafo amin’ny 2025. Ny antsika kosa tsy mahay maka lesona amin’ny fomba fiasa nampahomby ny Firenen-kafa fa mainka haka tahaka ny randrana tsy manendrika ny tena. Mahavita mitrosa teleferika efa ho 800 miliara Ar fa ny làlana tapitra potika, ny vahoaka maty noana, ny vidim-piainana midangana,… Taitaitra ao dia hanao « monument » tahaka ny any Brezila, hanao kianja eraky ny tanàna kanefa ny baolina kitra mihemotra,… Ireny ve no maika sa ny hoe : ahoana no hamokarana sy tsy hiankinan-doha lava amin’ny fanafarana entana mandany vola ? Ahoana no hanatsarana ny fampianarana hifanaraka amin’ny filàn’ny firenena ? Ahoana no hahafahana manana politikan’ny fampanan’asa mahomby ka tsy ho vesatra ho an’ny firenena ny vahoaka fa ho hery ?
Toky R
 

Dans la même rubrique

17-mai-2024

Tsy nisy fitsabatsabahana nataon’ny vondrona eoropeanina loatra tamin’ny zava-nisy

Card image cap
17-mai-2024

Anisan’ireo nampanantenain’ny filoham-pirenena fa hananganana kianja manara-penitra ny ao Ankazobe.

Card image cap
17-mai-2024

Nivadika tanteraka ny rasa ao amin’ny distrikan’Ambatofinandrahana.

Card image cap
17-mai-2024

Efa manao izay tiany atao ny mpitondra fanjakana, hoy ny mpamakafaka, mpanao politika,

Card image cap
17-mai-2024

Niaiky hatrany ny Filoha Andry Rajoelina fa tena marary isika amin’ny lafiny angovo,

Card image cap
16-mai-2024

Hiakatra eo anivon’ny PAC na «Pole anti-corruption», izany hoe ny fitsarana miady amin’ny kolikoly,

Card image cap