airtel

Politique

10-mai-2023

Politique

Serasera no atao mipoapoaka Rendrika ara-bola ny fanjakana ?

Sample post image

Ny herinandro lasa no sesilany ny fanehoan-kevitra nataona mpahay toekarena sy mpisehatra ara-politika nilaza fa “faillite”

10-mai-2023

na banky ropitra tanteraka ny Fanjakana Malagasy. Nisy depiote aza tena sahy niteny mihitsy tamin’ny mpitondra miainga any an-tampony hoe: maheno ianareo ka manaova fanambarana fa ary fa diso ny zavatra ambarako. Niezaka nanome toky ny Fanjakana tamin’ny alalan’ny Minisitry ny toekarena sy ny fitantanam-bola Rtoa Rindra Hasimbelo Rabarinirinarison, fa manam-bola ny Fanjakana. Andaniny, raha ilay fampahafantarana na “circulaire” nalefan'ny GEM (Groupement des Enterprises de Madagascar) amin'ny mpikambana dia babangoana ny kitapom-bolam-panjakana ka miandry vola 100 tapitrisa dolara avy amin'ny Banky Iraisam-pirenena amin'ny jona ankilany, noho izany dia tsy afaka ny mampihatra sy manohy intsony ilay karama farany ambany 250 000Ar fa lasa 238 000Ar satria tsy afaka mandrotsaka ilay 12 000Ar tokony haloany intsony ny Fanjakana. Misy anefa ilay serasera nataon’ny Minisitry ny toekarena sy ny vola momba ny famoaham-bola mandeha. Ahoana moa izany hoe: 73% an'ny "prestataires" nanao asa tamin’ny tsenam-baro-panjakana no efa voalohan'ny Minisiteran'ny Toekarena sy ny fitatanam-bola tao anatin'ny 2 herinandro (mpandraharaha miisa 13704 ary mitetina 577 miliara ariary) ka ny 13% miandry fandrotsaham-bola na “virement”, 14% eo am-pikirakirana ny antontan-taratasy,... Nambara fa hiroso amin'ny fandoavana ireo mpandraharaha amin'ny FR (Fonds Routier) ka miandry ny lisitra voamarina ny minisiteran'ny Toekarena sy ny fitatanam-bola. 2 396 ny dosie nambara fa eo am-pikirakirana eo anivon’ny Tahirimbolam-panjakana, ka ao anatin’ny 2 herinandro manaraka no handoavana ny vola 176 miliara Ariary mifandraika amin’izany. Tena manam-bola ve ny Fanjakana sa sora-bola fotsiny raha tarafina amin’ireo olana misy. Avy nandalo olana be momba ny fandoavana ny volan’ireo mpandraharaha ara-tsolika sy mpamatsy herinaratra ny Jirama tahaka ny Tozzi Green izay namoaka fanambarana fa hanapaka ny famatsiana raha tsy voaloa ny 250 miliara Ar. Ny Fanjakana izay nandefa taratasy tany amin’ny Vondrona Eoropeanina Isabelle Delattre ihany koa ny 29 aprily mikasika ny tetibola hiatrehana ny fifidianana filoham-pirenena, fa hahena ary tsy hihoatra ny 70 miliara Ar. Nahena eo amin’ny antsasany izany io satria manodidina ny 140 miliara teo aloha. Tsy endrika iray hafa manaporofo ve izany fa sahirana tanteraka ara-bola ny Fanjakana ?
Toky R
 

Dans la même rubrique

18-juin-2024

Naharesy ny fitondrana dia mampitandrina amin’izay hoe tena nisy demokrasia teto,

Card image cap
18-juin-2024

Mifanindry tanteraka amin’ny fankalazantsika ny fetin’ny fahaleovantena ny iray volan’ny teny malagasy,

Card image cap
18-juin-2024

Fomban’ny mpanao politika ny manakarama olona hampiaka-peo hoe izahay no tompon’ny fahamarinana,

Card image cap
18-juin-2024

Miandry ny famoahan’ny HCC ny vokatra ofisialy, io no mamaritra ny tanjaka politika,

Card image cap
18-juin-2024

Mitohy ny fanatsikafonana ireo heverina fa tsy fanjariana tao anatin’ny fifidianana

Card image cap
18-juin-2024

Mampiteny ny moana ny fitarainana avy amin’ny lafivalon'ny Nosy manamafy fa tsy misy nandeha

Card image cap