tia tanindrazana

Parution du Vendredi, 25 Novembre 2022

airtel

Politique

Taorian’ny SEG Nampitandrina ihany koa ny Minisitry ny fiarovana

Namory ny tompon’andraikitra ambony eo anivon’ny tafika ny Minisitry ny fiarovam-pirenena Jeneraly Rakotonirina Léon Richard ny andron’ny omaly.

16-sept-2022

Sample post image

Antony ny lafiny ara-pandriampahalemana, izay mila hamafisina eto amin’ny tany sy ny Fanjakana. Teo ihany koa anefa ny teny hentitra sy fampitandremana eo anatrehan’ny ambarany fa mety ho fikasana hanao asa fanakorontanana amin’ny endriny samihafa, araka ny notaterin’ny fahitalavi-pirenena. Misy lanjany goavana ara-politika izany, ary toa manao tohivakana amin’ny fanambarana efa nataon’ny Sekreteram-panjakana miadidy ny zandarimariam-pirenena ny herinandro lasa teo, fa tsy hanaiky fanonganam-panjakana ny zandarimariam-pirenena satria efa betsaka ny rà mandriaka teto noho ny politika. Fifandrifian-javatra ihany ve ny fanambarana na toromarika miainga avy amin’ireo tompon’andraikitra ambony eo anivon’ny mpitandro filaminana. Misy tsindry politika goavana mitatao ve ka mahatonga ny Mpitondra ankehitriny hampiteny azy ireo? Ny mpanohitra hatrany amin’ny ankampobeny no iantefan’ny hafatra sy ny fampitandremana amin’ny hoe: tsy manaiky asa fanakorontanana, mahandrasa fifidianana ara-demokratika,… Rehefa mijery ny raharaha “Apollo 21” izay nambara fa fikasana hifofo ny ain’ny Filoha anefa, tsy nisy na olona iray aza avy amin’ireo nitonona ho mpanohitra izao fitondrana izao, fa olona akaiky sy mpiara-miasa amin’ny Filoham-pirenena aza. Nandeha ny raharaha fakana sary ny valizin’ny filoham-pirenena izay nolazaina fa tena tetika avo lenta hifofoana ny ain’ny filoha sy ny fianankaviany, dia olona akaiky azy, mpamiliny no voalaza no naka ny sary ary nampifandraisina amin’ny hoe: ny mpanohitra no ambadika saingy tsy misy mpanohitra nosamborina na iray aza,… Manana loharanom-baovao sy sampam-pitsikolovana matanjaka azony ampiasaina tsar any Fanjakana sy ny mpitandro filaminana traha misy tokoa ny fikotrehana asa fanakorontanana sy fanonganam-panjakana. Misy loharanom-baovao ve fa tena misy fokotrehana fanonganam-panjakana? Nahoana no tsy misy fanenjehana na fisamborana kanefa zava-doza tsy fampiseho masoandro ary loza mitatao ho an’ny firenena izany? Zava-dehibe ary tena ilaina ny fivoriana sy ny dinika ara-miaramila momba ny fandriampahalemana, fa somary hafahafa sy tsy tongatonga ho azy ny fanambarana miendrika na misy misy ampahany politika ataon’ireo manamboninahitra ambony. Na tsindry bokotra sy don-tandroka ho fampitandremana amin’ny mety ho fikitikitihina ny fitondrana, na fampiomanana sahady amin’ny aoriana toy ny raharaham-pifidianana mafana, na ny Fitondrana mihitsy no efa mahatsiaro ho azo amoron-tevana ka mampiteny ny manam-basy.
Toky R
 

Dans la même rubrique

Card image cap
Eliace Ralaiarimanana “Hadio Antananarivo manomboka eto”
25-nov-2022

Nihaona tamin’ny ben’ny tanànan’Antananarivo, Naina Andriatsitohaina, aho anio (TTF: omaly), hoy ny mpanao politika Kristianina sady kandida ben’ny tanànan’Antananarivo teo aloha, Eliace Ralaiarimanana.

Card image cap
Fanjakana tia manenjika sy managadra Manivana moka fa mitelina rameva, tojo ny taolana…
25-nov-2022

Nanakoako ny fanambaran’ireo firenen-dehibe sy vondrona iraisam-pirenena omaly naneho fa manohana ny vahoaka Malagasy sy ny governemanta ary ny fiarahamonim-pirenena amin'ny ady amin'ny kolikoly,

Card image cap
Alain Andriamiseza “Rehefa mitarika fanorenana ifotony dia namanay”
24-nov-2022

Hiroso amin’ny fikaonandoham-pirenena izahay na iza vonona na iza tsy vonona, hoy ny mpanao politika, Alain Andriamiseza. Na iza hanao na iza tsy hanao, hoy izy.

Card image cap
Fikaonandoham-pirenena Raisina ao Antaninarenina rahampitso ireo volavolan-kevitra
24-nov-2022

Ho tohin’ny fanambarana ny 31 oktobra 2022 tao Bel’air sy ny tao amin’ny Soimanga Manakambahiny ny 14

Card image cap
Toe-draharaha politika mafana Tonga manao fakan-kevitra eto ny SADC
24-nov-2022

Manatanteraka iraka eto Madagasikara ny iraky ny Vondrona SADC nanomboka omaly 23 novambra hatramin’ny 28 novambra ho avy izao. Isan’ny heverina ho lehibe ao anatin’io ny resaka politika sy ny toe-draharaha mialohan’ny fifidianana.

Card image cap
Tsy azo atao ankamehana ny fifidianana “Mbola tsy mifampatoky isika malagasy
24-nov-2022

Nampahafantarina omaly tetsy amin’ny Le Pavé Antaninarenina ny fitsanganan’ny Hetsika iombonana ho fanarenana sy fanorenana ifotony an’I Madagasikara na H.I.F.F.I.M.

Voir plus