Manao fanadihadiana sy fakan-kevitra amin’ireo ankolafin-kery samihafa eto anivon’ny firenena mantsy ireo iraky ny SADC (Southern African Development Community). Tsy tongatonga ho azy izany, fa tena misy dikany sy lanjany goavana ara-politika. Tsy marin-toerana rahateo ny toe-draharaha eto amin’izao herintaona mialohan’ny fifidianana izao. Na manana ny fiandrianany araka ny resahana foana aza isika, matetika miditra an-tsehatra ireo antanan-tohatry ny rafitra iraisam-pirenena ikambanantsika rehefa misy toe-draharaha mafampana indrindra fa ara-politika. Na lazaina fa tsy misy krizy aza eto, tena ahiana ny rombo ara-politika, raha tsy misy fepetra sy fandaminana raisina. Izay no heverina fa mampiditra an-tsehatra ny sehatra iraisam-pirenena tahaka izao, ary efa fahita foana ny tahaka izao, raha tsy hilaza afatsy ny tamin’ny raharaha 2021-2022, ny raharaha 2009,… Etsy amin’ny Hotely Colbert Antaninarenina no mandray ireo ankolafin-kery samihafa ny iraky ny SADC ka ho an’ny omaly, dia ny solontenan’ny mpanohitra no isan’ny voalaza fa noraisina teny an-toerana. Andrasana ny tohiny sy ny tatitra mazava mikasika ity fidirana an-tsehatry ny SADC ity.
Toky R
Nivadika ny rasa, nanapa-kevitra ny tsy hanohana ny kandida solombavambahoaka avy amin’ny
Tsy hitondra fitoniana eto amin'ny firenena ny fifidianana kasaina hatao eto Madagasikara
Raharaha isan’ny mitana ny sain’ny maro ankehitriny ny nampidirana am-ponja an-dRtoa Ramalason Olga,
Mila averina ny hasin’ny fanabeazana eto Madagasikara, hoy ny antoko politika RCR-Tolona,
Mitohy ny fanamboarana ireo làlana mampitaraina ny vahoaka ao Ambohimanarina.
Nampanantsoina teny anivon’ny tendrom-pitsarana misahana ny ady amin’ny kolikoly na ny PAC (Pôle anti-corruption) 67ha,