Valim-pifidianana kirakirain’ny HCC

momba ny lalàmpanorenana eny Ambohidahy eny. Rakin-tsoratry ny valim-pifidianana manerana ny nosy, raha ny fahitana azy avy ety ivelany, ary mifono anaty gony maro no misy maka sy mijery tsirairay. Taratasy io dia jerena amin’ny tanana, toy ireny mijery laza adina amin’ny BEPC na Bakalorea ireny. Ireo gony amin’io miparitaka eraky ny efitrano. Izao no fikirakiran’ny HCC ny valim-pifidianana nataonareo lazainy fa manan-danja, hoy ny mpanara-baovao sasany. Mahavariana ihany raha ho tafavoaka anio sahady ny vokatra ofisialy mikasika izany raha ireny tranga hita ho niseho omaly ireny aloha ary dia apetraka ihany koa ny fanontaniana mikasika ny hoe aiza ho aiza ao anatin’ireny izany ny fampiasana ireo lazaina fa tekinolojia avo lenta na rindram-baiko manaraka ny toetr’andro? Inona no antony tena hiazakazahana amin’ny famoahana ity raharaha ity? Isan’ireo fanontaniana heverina fa fototra mila valiny miaraka amina porofo mafonja izany.
J. Mirija