Politique

Raha mivoy, hoy ny filohan’izy ireo, Marcellin Razanakoto, ny herivelona maro hoe fikaonandoham-paritra sy fikaonandoham-pirenena aloha no tokony ho laharam-pahamehana amin’ity dia tsy miraharaha firenena izany ireo olona manao fampielezan-kevitra mialohan’ny fotoana ireo fa ny himatimatesany dia hoe ahoana indray no haha lany ahy. Tsy ho raharahiany mihitsy ny rafitra misy izay efa tsy mampety ity firenena ity. Hiazakazaka mafy angamba izy hahazo fitondrana dia handova. Nifampiresaka tamin’ny tonian’ny FFKM izahay hoe ahoana ny mikasika ny 29, 30, 31 martsa izao? Namaly mazava ireo fa tsy mbola hamory mpanao politika. Tsy mbola mieritreritra ny daty hitarihany fikaonandoham-pirenena. Mbola ny FFKM miisa 35 manerana ny nosy no hivory amin’io 29, 30, 31 martsa io. Ho dinihina ao anatin’izany, hoy ny tonian’ny FFKM, ny raharaham-pirenena. Mety hitarika fikaonandoham-pirenena izy any amin’ny volana aogositra. Hitanay hoe mety ho tara izany satria ny fifidianana efa akaiky. Raha andeha volana aogositra tsinona ny fikaonandoham-paritra ny volana aogositra dia mbola hiakatra eto Antananarivo indray ny fikaonandoham-pirenena. Mbola hisy indray ny fijerena komity mpandrakitra an-tsoratra sy fandaniana io lalana io. Manao ahoana izany ny fandaharam-potoana enjehana amin’izany? Ny fanadiovana ny tokontany ilalaovana aloha no ilaina vao milalao satria ny fikaonandoham-pirenena ao anatin’ny lalampanorenana izay ho laniana amin’ireo fotoana ireo dia tokony hipetraka ara-dalana ny lalam-pifidianana hahafahan’ny rehetra mirotsaka fa tsy anavahana hoe ireto manam-bola dia ireto tsy manana. Raha andeha amin’izany aogositra izany anefa ny fikaonandoham-pirenena ka hametra-pialana ny filoham-pirenena dia tsy ho tafavoaka intsony ny lalampanorenana. Tokony tsy ho tara ny volana may ny fikaonandoham-pirenena, hoy hatrany ny VPHM.
J. Mirija