ary nisy ampahany kila ihany koa ny tranon’ny Paositra Malagasy. Mpiambina iray tamin’izany fotoana no natao fanadihadiana, nosoloina ny Tale Jeneraly, nafindra vonjimaika teny Nanisanna ny birao. Martsa 2021 isika izao kanefa tsy mbola fantatra izay tena marina? Nangingina rehefa nandeha ny volana sy ny andro. Toerana tena saropady sy stratejika ny ONE raha tsy hiteny fotsiny ny hoe izy no sampan-draharaha misahana ny fanadihadiana avy eo mamoaka na tsia ny fahazoan-dalana ara-tontolo iainana ho an’ireo orinasa goavana na tetikasa goavana mijoro eto Madagasikara, hoy ny fanamarihana avy amina mpandinika sy mpanaraka ny raharaham-pirenena. Ahoana marina no niandohan’ny afo? Natsidika kely fotsiny tamin’ny fotoan’androny fa niniana natao ilay izy. Nisy fanambarana moa taorian’ny fahamaizana fa hoe avotra ihany ny “disque dur” an’ny solosaina nisy ny tahirin-kevitra. Tena izay tokoa ve sa resaka natao mba hampilamina ny sain’ny rehetra fotsiny iny? Ahoana ny tohin’ny fanadihadiana sa izay may dia may? Hoy ny fanamarihana. Maro ny raharaha toa vitavita ho azy eto amintsika, izay toa zara aza adinon’ny olona. Voambolana fandre matetika sy azo lazaina ho fampandriana adrisa ny hoe: “efa mandeha ny fanadihadiana”.
Toky R
Tontosa ny Sabotsy 27 aprily teo, tetsy amin’ny efitranon’ny Holafitry ny Mpanao gazety (OJM)
Mihasarotra andro aman’alina ny olana mianjady amin’ny Jirama amin’izao fotoana izao.
Tanjona ny ialan’ny malagasy amin’izao toe-draharaha izao»
Mbola mafy ny asa atao, ny zava-miandry, hoy ny kandida ho depiote ao amin'ny boriboritany faha 4,
Niverimberina tato ho ato ny fifanolanan’ireo mpivarotra eto Antananarivo sy ny fiadidiana ny kaominina Antananarivo
Misy namana mpiara-miasa tamiko, lehibeko, hoy ny mpanolontsain’ny SMARM na Sendikan’ny mpiasan’ny angovo