FANDIDIANA FO ETSY AMIN'NY HOMI

Miditra amin'ny andro fahaefatra anio Alakamisy 25 Septambra ilay hetsika fandidiana fo misokatra andiany faha-5 tanterahina etsy amin'ny Hopitalin'ny miaramila etsy Soavinandriana. Nanomboka ny Alatsinainy 22 Septambra teo ka hatramin'ny rahampitso Zoma 27 Septambra ny hetsika. Raha araka ny fantatra dia miisa fito ireo zaza misitraka ity fandidiana ity ka ny dimy amin'izy ireo no hiatrika fandidiana fo misokatra raha fandidiana fo mihidy kosa ny roa ambony. Ny dimy amin'izy ireo ihany koa no efa vita fandidiana soa amantsara sady efa manaraka fitsaboana mandra-pahasitrany tanteraka. 25 taona no zokiny indrindra amin'izy ireo raha 10 volana no zandriny indrindra. Mampiavaka ity andiany fahadimy ity moa ny fisian'ny fandidiana ny "valve mitrale" izay notanterahina omaly Alakamisy 25 Septambra. Tontosa araka ny nokasain'ireo mpitsabo mpandidy io hoy ny loharanom-baovao azo.
Pati
Légende : Miasa mafy tahaka izao ireo dokotera mpandidy !