Fifandraisan-davitra

Hatramin'izao dia tsy tena mazava ny fikorontanana miseho eo anivon'ny fifandraisan-davitra eto amin'ny firenena efa ho herinandro izao. Ny sasany nampahafantatra nanomboka ny sabotsy teo fa misy tsy fahatomombanana ny tolotra noho ny resaka rindram-baiko tapaka na "coupure de système". Vokatr'izay, tsy afaka nijery ny fandaniany tolotra ny mpanjifa. Tsy afaka mampiditra tolotra amin'ny fahana efa ao anaty karatra na "puce", indrindra moa ho an'ireo mampiasa solosaina. Tsy fantatra mazava nefa hatramin'izao hoe rahoviana marina no tena hiverina amin'ny laoniny ny fahafaha-mifanakalo rehetra? Hatramin'ireo karatra fifanakalozam-bola na "carte visa" no tsy mandeha. Ny an'ireo tambazotra hafa moa dia mihisatra dia mihisatra ny fifandraisana na "connexion" ary tsy mahazo tsara koa ny tambazotra na "réseau".
J. Mirija