fizahantany satria anisan` ny tena mampidi-bola vahiny. Nisy fiantraikany ratsy goavana ho an`ny toekarena Malagasy ny fikatonan` ny sisin-tanin`I Madagasikara. Misedra olana tanteraka ity sehatra ity satria tsy tonga ny mpizahantany. Nivoaka ny anaran` ireo mpikambana handrafitra ny filankevim-pitantanana eo anivon` ny Kaonfederasion` ny fizahantany eto Madagasikara (CTM). Lany ho filoha hitantana izany i Aina Raveloson ary filoha lefitra i Tojosoa Razafimahefa. Asa goavana no miandry ireo mpikambana vaovao manoloana ny famerenana ny fizahantany. Marihana fa 10%n` ireo mpandraharaha mpikambana eo anivon` ity kanfederasiona ity ihany no afaka niverina niasa eo amin` ny sehatry ny fizahantany. Nidina ho 90% ny vola niditra tamin`ireo mpikambana. Asa miandry koa ny fanatanterahana ireo fitakiana natao ny volana desambra lasa teo. “Ny CTM miantso ny fisokafan` ny sisin-tany na dia amin`ireo faritra manodidina toa an`ny nosy La Réunion sy Afrika Atsimo. Miantso ny fanjakana hiantoka ireo faktioran`ny JIRAMA ho an` ny telo volana faharoa sy fahatelo tamin` ny taona 2020. Na koa, hiantoka ny fandoavana ny trosa amin` ireo famatsiana avy amin`ireo mpiara-miombon`antoka ara-teknika na ara-bola ho an`ny sehatra tsy miankina nandritra ny ady amin`ny COVID-19.Eo koa ny fandoavana ny latsakemboky ny CNaPS nandritra ny telo volana farany 2020. Ny CTM dia mitaky ny fanafoanana ny hetra tamin`ny taona 2020 na ny fandoavana izany amin`ity taona 2021”. Miandrandra ny fisokafan` ny sisin-tany ireo mpandraharaha izay vinavinaina ho amin`ny volana aprily na may 2021.
Marigny A.
Tontosa ny Sabotsy 27 aprily teo, tetsy amin’ny efitranon’ny Holafitry ny Mpanao gazety (OJM)
Mihasarotra andro aman’alina ny olana mianjady amin’ny Jirama amin’izao fotoana izao.
Tanjona ny ialan’ny malagasy amin’izao toe-draharaha izao»
Mbola mafy ny asa atao, ny zava-miandry, hoy ny kandida ho depiote ao amin'ny boriboritany faha 4,
Niverimberina tato ho ato ny fifanolanan’ireo mpivarotra eto Antananarivo sy ny fiadidiana ny kaominina Antananarivo
Misy namana mpiara-miasa tamiko, lehibeko, hoy ny mpanolontsain’ny SMARM na Sendikan’ny mpiasan’ny angovo