Manambana hitokona

Avereno amin'ny Fanjakana ny fitantanana ny orinasa Madarail fa mijaly ny mpiasa. Izany no antsoantson'ireto farany raha nihaona mivantana tamin'ny mpanao gazety izy ireo omaly namaky bantsilana ireo karazan'olana sedrainy. Tsy fihindramam-bola koa hoy hatrany izy ireo no ilain'ny orinasa fa fanampiana mihitsy na subvention. Orinasa efa mahantra sy sahirana ve ny Madarail dia mbola hampibabena trosa ihany ? Nomarihin'izy ireo fa efa nisy fotoana ny fitarainana nataony fa mbola tsy nahazoana valiny mahafa-po. Manambana ny hitokona ny sendikan'ny mpiasa eo anivon'ny orinasa MADARAIL noho izany. Haharitra 72 ora ny hetsika hanomboka rahampitso Alakamisy 04desambra ka hatramin'ny 06 desambra ho avy izao. Noho ny fahitan'ireo mpiasa ny fitantanana tsy mangarahara ao amin'ny orinasa no antony, tranga nanomboka ny nanaovana ny orinasa ho "mise en concession". Mitaky ny hialan'ny mpitantana ny orinasa sy ny mpandraharaha vahiny ihany koa izy ireo.. Nanomboka tamin'ny 2009 moa no nambaran'reo mpiasa fa nitontongana tanteraka ny orinasa Madarail.
Pati
Légende : Ireo mpiasan'ny Madarail nitafa tamin'ny mpanao gazety omaly !