Manindry mafy ny FILEFA Miantso hatrany ny Filoham-pirenena mba hihaino azy ireo

tarihin’ny filoha nasionaliny Razafindrakoto Jackye. Miisa 4.000 ireo mpikambana tonga nandray anjara tamin’izany, izay avy amin’ireo Boriborintany miisa 6 mandrafitra ny kaominina Antananarivo renivohitra sy Antananarivo Avaradrano ary Atsimondrano. Nambaran-dRazafindrakoto Jackye nandritra izany fa anisan’ny mbola antso avo hataony hatreto ny tokony handraisan’ny filoham-pirenena azy ireo ka hihainoana ny hetahetany. Hatramin’ny omaly mantsy dia mbola tsy voaray hatrany izy ireo na dia efa nisy aza ny fangatahana nalefa etsy amin’ny lapam-panjakana Ambohitsorohitra. Notsiahiviny hatrany moa fa efa tena leo fahantrana ny Malagasy. Ny fandoavana hofantrano hoy izy no anisan’ny fototry ny olana ka tokony hitadiavan’ny Fitondram-panjakana vahaolana. Ho azy ireo manokana dia efa miezaka manampy ireo mpikambana maniry te-hanana tany sy trano izy ireo hahafahana miady amin’ny fahantrana lalina misy eto amintsika.
Pati