Omby miisa 23 be izao niampy alika iray no maty nilatsaham-baratra tany an-toerana. Sambany teo amin'ny tantara no nisian'ny tranga tahaka io satria ny fahita sy re dia 1 na 2 na 3 aman'efatra, saingy teto dia niaraka ripaka ireo andian'omby. Tsy voafaritra mazava na sompatra nataon'olona izy ity na loza tahaka ny loza rehetra. Raha ny ara-tsiantifika kosa dia voalaza fa misy hery misintona varatra amin'ny omby, ka tokony hofadiana ny manakaiky azy amin'ny fotoana misy kotroka. Tahaka izany ihany koa ireny hazo na vodihazo lehibe ireny. Raha ny vaovao re avy any an-toerana, voalaza fa tsy maintsy halevina ireo omby 23 fa tsy azo hohanina na amidy, araka ny fomba. "Raha mandika izany dia hiverina ilay varatra, ary hamono olona 23 ao anatin'ny fianakaviana", hoy ny fanamarihana voalaza fa nambaran'ny tompon'ireo omby, araka ny fampitam-baovao avy any an-toerana. Samy manana ny fombany sy ny finoany ny rehetra ka somary sarotra ny adihevitra eo, ary na ny finoana kristianina aza moa dia misy fiangonana sy mpino ao aminy tsy mihinana biby maty ho azy na tsy nalatsa-dra satria voalaza fa sarobidy sy mariky ny famonjena io.
Nangonin'i Toky R
Omaly alakamisy 25 may 2023 no fotoana nofaritana fa hisantarana ny tsenan’ny lavanila tao Ambalahonko, Ambanja. Tsy vaky anefa ny tsena,
Tsy misy tokony hahagaga ny havandra sy ny orana nitranga omaly hariva tamin’ny faritra maro, indrindra, ny afovoantany,
Efa tsy milamina intsony ny tontolo iainana. Azo lazaina ho rakotra havandra ny fidiran’ny ririnina, raha nahita ny rotsak’orana omaly
Lehilahy iray 23 taona no saron’ny Polisy teny Antaniavo ny Alarobia 24 may teo tokony tamin’ny 11 ora maraina rehefa nitsindrona rongony mahery vaika na roro.
Nankatoavin’ny Filan-kevitry ny Minisitra omaly 24 may 2023 ny firosoana amin'ny fitakiana ny trosa tokony hiditra