Rado Ramparaoelina

sy fanaovana isika ankehitriny hoy Rado Ramparaoelina, Ben'ny tananan'ny kaominina Ampitatafika, distrikan'Atsimondrano no sady Filohan'ny Fikambanan'ny Ben'ny tanana manerana ny Nosy. Any amin'ny famoronana asa hoy izy no tokony hojeren'ny Fitondram-panjakana akaiky raha te-handroso marina sy haingana isika. Manao izay ho afany ireo tsy dia afaka nianatra loatra noho ny fahasahiranana hoy izy mba hitady asa. Mandefa zanaka.manovo fahalalana eny amin'ny anjerimanontolo ary mahazo ny mari-pahaizana ambony ny Ray aman-dReny mba hitady asa. Alefa any am-pitandranomasina koa ireo zanaka mpanambola mba hiasa. Asa no tena hifanotofan' 'ny olona hoy hatrany ka ho an'ireo tanombary efa tsy mety hamokarana intsony fa maty noho ny fanaovam-biriky...dia nomarihiny manokana fa tokony havadika zavatra hafa hanampiana ny mpiara-belona. Ho an'ny kaominîna Ampitatafika izay tantanany manokana dia hangatahiny ny hanokafana ara-teknika ny fanotofana tany. Efa mañana ny drafitra fanajariana ny tany rahateo izahay hoy izy izay hinoako fa mety ho an'ny kaominîna hafa mañana izany ihany koa. Tsy miova moa ny teny filamatra ho azy ireo dia ny fampandrosoana ny kaominîna sy ny fanatsarana ny fiainam-bahoaka hatrany manomboka amin'ny filana amin'ny fiainana andavanandro izany ka hatrany amin'ny famoronana asa amin'ny alalan'ny fanohanan'ny mpiara-miombon'antoka sy ny Fitondram-panjakana mijoro.
Pati
Légende : Rado Ramparaoelina, Ben'ny tananan'ny kaominina Ampitatafika, Atsimondrano !