SALON DE CHOCOLAT

Hotanterahina etsy amin'ny Hotel Carlton Anosy amin'ny Sabotsy 28 Martsa ho avy izao indray ny andiany fahavalo amin'ilay hetsika Salon de Chocolat et de la Gourmandise karakarain'ny fikambanam-behivavy Wednesday Morning Group. Natao hamporisihina ny Malagasy mba hazoto hanjifa ny sokola no tanjona. Mbola tena ambany dia ambany mantsy raha araka ny tafa nifanaovan'izy ireo tamin'ny mpanao gazety omaly ny tahan'ny fanjifan'ny Malagasy sokola. Rehefa manakaiky ny fotoana hanatontosana ny fanadinam-panjakana ihany vao mihazakazaka mividy izany ireo voakasika fa ny ankoatra izay dia tena maina ny tsena. Fantatra anefa fa mitondra tombony ara-pahasalamana maro ho an'ny vatan'olombelona ny fihinanana sokola ka anisan'ireny ny manezioma. Nomarihin'ity fikambanam-behivavy iray ity moa fa natao indrindra hanohizana ny asa sosialy entin'izy ireo hanampiana ny mpiara-belona ny hetsika tahaka izao. Ankatoky ny Fetin'ny Paska rahateo koa isika, fotoana fihinanan'ny olona du fanjifany ny sokola.
Pati
Légende : Ireo vehivavy mpikambana eo anivon'ny WMG nitafa tamin'ny mpanao gazety omaly !